એશિયન ગેમ્સમાં ભારતીય મહિલા ક્રિકેટ ટીમની સફર હવે સેમિફાઇનલ સુધી પહોંચી ગઈ છે,પરંતુ અહીં પણ વરસાદ મોટી ભૂમિકા ભજવી શકે છે.2 વખતની T20 વર્લ્ડ ચેમ્પિયન ભારતીય ટીમનો સેમિફાઇનલમાં શ્રીલંકા સામે મુકાબલો થવાનો છે. આ મેચ ગુરુવારે ભારતીય સમય મુજબ સવારે 10 વાગ્યે શરૂ થવાની છે.નાગોયા પહોંચ્યા બાદ સતત વરસાદને કારણે ભારતીય ટીમને પૂરતી પ્રેક્ટિસ કરવાની તક મળી નથી. ટીમને માત્ર 1 સંપૂર્ણ પ્રેક્ટિસ સેશન મળી શક્યું હતું.આ સેશન પણ સેમિફાઇનલની પૂર્વસંધ્યાએ હવામાન થોડું સુધર્યા બાદ યોજાયું હતું.જોકે, ગુરુવાર અને શુક્રવારે હવામાન પ્રમાણમાં સારું રહેવાની આગાહી છે.બીજી તરફ શનિવારે યોજાનારી ફાઇનલ પર ફરી વરસાદનું જોખમ જોવા મળી રહ્યું છે.

ચારેય ટીમોએ હજુ સુધી મેચ રમી નથી

આ ટૂર્નામેન્ટની સૌથી રસપ્રદ બાબત એ છે કે સેમિફાઇનલમાં પહોંચેલી ચારેય ટીમોએ અત્યાર સુધી મેદાન પર મેચ રમી જ નથી.સતત વરસાદના કારણે ચારેય ક્વાર્ટર ફાઇનલ મેચ રદ કરવામાં આવી હતી અને સેમિફાઇનલમાં પહોંચનારી ટીમોનો નિર્ણય ICC રેન્કિંગના આધારે કરવામાં આવ્યો હતો.પહેલા સેમિફાઇનલમાં ભારત અને શ્રીલંકા આમને-સામને હશે, જ્યારે બીજા સેમિફાઇનલમાં પાકિસ્તાન અને બાંગ્લાદેશ વચ્ચે મુકાબલો થવાનો છે.આ સ્થિતિમાં ભારત અને શ્રીલંકા બંને સીધા સેમિફાઇનલથી પોતાની ટૂર્નામેન્ટ શરૂ કરશે.એટલે ભારતીય ટીમ માટે આ મેચ જ અસલી પરીક્ષા બની રહેશે.

વરસાદના કારણે ભારતની તૈયારી પર અસર

ભારતીય ટીમ 20 સપ્ટેમ્બરે જાપાન પહોંચી હતી.જોકે,ત્યારથી વરસાદના કારણે ટીમનું ટ્રેનિંગ સતત પ્રભાવિત થયું હતું.ભારતને જાપાન સામે માત્ર 5-5 ઓવરની એક દ્વિપક્ષીય મેચ રમવાની તક મળી હતી.આ સિવાય વરસાદના કારણે ટીમને મેદાન પર વધુ સમય વિતાવવાની તક મળી નહોતી.અફઘાનિસ્તાન સામેની રદ થયેલી ક્વાર્ટર ફાઇનલ પહેલાં કેપ્ટન શ્રેયસ અય્યરે પણ સ્વીકાર્યું હતું કે ખરાબ હવામાનને કારણે પ્રેક્ટિસ ન મળી શકવી ટીમ માટે મુશ્કેલી છે. જોકે, તેમણે એ પણ સ્પષ્ટ કર્યું હતું કે વ્યાવસાયિક ખેલાડીઓ માટે આ મેદાન પર સારા પ્રદર્શન માટે બહાનું બની શકે નહીં.

શ્રીલંકા સામે ભારતને ફાયદો?

ભારત સામે સેમિફાઇનલમાં શ્રીલંકાની ટીમ પણ પોતાની સંપૂર્ણ શક્તિ સાથે નહીં ઉતરે તેવી સ્થિતિ છે. તેથી શ્રેયસ અય્યરની આગેવાની હેઠળની ભારતીય ટીમ પાસેથી ઝડપી શરૂઆતની અપેક્ષા રહેશે.ટૂર્નામેન્ટના શરૂઆતના મુકાબલામાં મોટા સ્કોર જોવા મળ્યા નથી. સતત વરસાદને કારણે પિચમાં ભેજ રહેવાની સંભાવના છે. આવી સ્થિતિમાં સેમિફાઇનલની પિચ ધીમી રહી શકે છે.આવા સંજોગોમાં બેટર્સ ઉપરાંત બોલર્સ અને ફિલ્ડર્સે પણ પરિસ્થિતિ પ્રમાણે ઝડપથી પોતાની રમત બદલવી પડશે.

સેમિફાઇનલ રદ થાય તો ભારત સીધું ફાઇનલમાં જશે?

ભારતીય ટીમ માટે સૌથી મહત્વની બાબત એ છે કે જો ગુરુવારે ભારત અને શ્રીલંકા વચ્ચેનો સેમિફાઇનલ મુકાબલો વરસાદના કારણે સંપૂર્ણપણે રદ થાય,તો ICC રેન્કિંગના આધારે ભારત ફાઇનલમાં પહોંચી શકે છે.ભારત ICC રેન્કિંગમાં નંબર 1 પર છે,જ્યારે શ્રીલંકા 9મા સ્થાને છે.તેથી મેચ ન રમાય અથવા કોઈ પરિણામ ન આવે તેવી સ્થિતિમાં ભારતને તેની વધુ સારી રેન્કિંગનો લાભ મળી શકે છે.બીજા સેમિફાઇનલમાં પણ આવી જ સ્થિતિ બની શકે છે.પાકિસ્તાન ICC રેન્કિંગમાં 6મા સ્થાને છે,જ્યારે બાંગ્લાદેશ 8મા ક્રમે છે.જો આ મેચ પણ વરસાદના કારણે રદ થાય તો પાકિસ્તાનને વધુ સારી રેન્કિંગના આધારે ફાઇનલમાં સ્થાન મળી શકે છે.એટલે હવે ભારત-શ્રીલંકા સેમિફાઇનલમાં માત્ર ટીમોની રમત જ નહીં,પરંતુ હવામાન પર પણ બધાની નજર રહેશે.

આ પણ વાંચો – MIની ટીમમાં દિગ્ગજ ખેલાડીની એન્ટ્રી, આ ખેલાડીને મળી મોટી જવાબદારી