યુપી કોંગ્રેસ પ્રમુખ અજય રાય રવિવારે અયોધ્યામાં નિષાદ સમુદાય દ્વારા આયોજિત એક કાર્યક્રમમાં હાજરી આપી હતી, જ્યાં તેમના માનમાં 10 કિલો માછલીનો ભોજન સમારંભ તૈયાર કરવામાં આવ્યો હતો. મુખ્યમંત્રી યોગી આદિત્યનાથે આ ઘટના અંગે અજય રાય પર આકરા પ્રહારો કર્યા હતા.

અયોધ્યાની બહાર જઇને ખાવુ હતુને- સીએમ યોગી 

રાયબરેલીમાં એક જાહેર સભાને સંબોધતા, મુખ્યમંત્રી યોગીએ ટિપ્પણી કરી, “તમે કોંગ્રેસના પ્રદેશ પ્રમુખનું વર્તન જોયું હશે.. તેઓ પ્રાર્થના કરવા માટે હનુમાનગઢી જાય છે અને બહાર નીકળીને માછલીની દાવત માણે છે. મંદિરમાં રામ રામની બૂમો પાડે છે અને બહાર નીકળીને માછલી ખાય છે. બેશર્મીની પણ એક સીમા હોય છે. કોણે કહ્યું હતું કે મંદિર જાઓ? અયોધ્યાની બહાર ખાઇ લેતા. આ તેમનુ બેવડુ વલણ છે. તેઓની સામે તો કાચિંડો પણ શરમાય. મંદિરમાં રામ રામ બોલવાનું અને દંડવત કર્યાનો ઢોંગ કરે છે. બહાર જઇને માછલી ખાય છે. 

જેણે ભાઇની હત્યા કરી તેની સામે ઘૂંટણિયે પડી ગયા- સીએમ યોગી 

આ લોકોનો આ ઇતિહાસ છે. કોંગ્રેસના આ પ્રદેશ અધ્યક્ષનો ઇતિહાસ છે. જ્યારે એક માફિયા ડોનએ તેમના ભાઇની હત્યા કરી દીધી તો આ વ્યક્તિએ અપરાધી વિરુદ્ધ જુબાની આપવાને બદલે તેમની સામે ઘૂંટણિયે પડી ગયા. તેઓ એ વ્યક્તિની સામે ઝૂકી ગયા જેણે બેરહેમીથી ભાઇની હત્યા કરી હતી. સ્થિતિ તો ત્યારે બદલાઇ જ્યારે સરકારે દરમિયાનગીરી કરી અને માફિયા તત્વનો નાશ કર્યો. આ લોકોએ રાજ્યને માફિયા પ્રધાન જિલ્લો બનાવી દીધો હતો. 

10 ક્વિન્ટલ માછલીનો ભોજન સમારંભ યોજાયો 

મુખ્યમંત્રી યોગી આદિત્યનાથ સોમવારે રાણા બેની સિંહ માધવની જન્મજયંતિ પર ₹50 કરોડના ખર્ચે બનેલા એક ઓડિટોરિયમનું ઉદ્ઘાટન કરવા માટે અહીં પહોંચ્યા હતા. નોંધનીય છે કે અયોધ્યાના તરુણ વિસ્તારમાં નિષાદ સમુદાય દ્વારા અજય રાય માટે સ્વાગત સમારંભનું આયોજન કરવામાં આવ્યું હતું. આ કાર્યક્રમમાં ભીડને આકર્ષવા માટે માછલી-ભાતની ભોજન સમારંભનું આયોજન કરવામાં આવ્યું હતું. અહેવાલો દર્શાવે છે કે 10 ક્વિન્ટલ માછલી રાંધવામાં આવી હતી. આ પહેલા અજય રાય પ્રાર્થના કરવા માટે હનુમાનગઢી મંદિર ગયા હતા.