રાષ્ટ્રપતિ ભવનની નજીક આવેલા નોર્થ બ્લોકમાં આગ લાગવાની ઘટના સામે આવી છે. આગ લાગ્યા બાદ આકાશમાં કાળા ધુમાડાના ગોટેગોટા ઉઠતા જોવા મળ્યા હતા. આ આગ છત પર આવેલા એક એસી (AC) યુનિટના બોઈલરમાં લાગી હતી; પ્રાથમિક માહિતી મુજબ, વેલ્ડિંગનું કામ ચાલી રહ્યું હતું ત્યારે શોર્ટ સર્કિટ થવાથી યુનિટમાં આગ લાગી હોવાનું જણાય છે. હાલમાં આગ પર કાબૂ મેળવી લેવામાં આવ્યો છે.

ઘટનાની જાણ થતાં જ ફાયર બ્રિગેડની છ ગાડીઓ ઘટનાસ્થળે રવાના કરવામાં આવી હતી. દિલ્હી ફાયર સર્વિસ (DFS) ને થોડા સમય પહેલા જ નોર્થ બ્લોકમાં આગ લાગ્યા અંગે જાણ કરવામાં આવી હતી. ફાયર સર્વિસના કર્મચારીઓ ઘટનાસ્થળે પહોંચીને પરિસ્થિતિનું નિરીક્ષણ કરશે, ત્યારબાદ વધુ વિગતો મળી શકશે.

સાંસદે તસવીર શેર કરી

રાજ્યસભાના સાંસદ મિલિંદ દેવરાએ સોશિયલ મીડિયા પર એક તસવીર શેર કરી છે, જેમાં નોર્થ બ્લોકની પાછળથી ધુમાડો નીકળતો જોઈ શકાય છે. તેમણે પોતાની પોસ્ટમાં લખ્યું, “સંસદ જઈ રહ્યો હતો ત્યારે મેં નોર્થ બ્લોકની પાછળથી કાળા ધુમાડાના ગોટેગોટા ઉઠતા જોયા. લાગે છે કે ત્યાં આગ લાગી છે. આશા છે કે બધા સુરક્ષિત હશે અને ઈમરજન્સી સેવાઓ ત્વરિત કાર્યવાહી કરી રહી હશે.”

<a href="

=” target=”_blank”>

=

ઉલ્લેખનીય છે કે, થોડા દિવસો પહેલા જ કડકડડૂમા કોર્ટ સંકુલના બીજા માળે આગ લાગી હતી. તે ઘટનામાં કોઈને ઈજા થઈ હોવાના અહેવાલ નહોતા. દિલ્હી ફાયર સર્વિસે આ ઘટના અંગે માહિતી આપતા જણાવ્યું હતું કે, તેમને સવારે 5.22 વાગ્યે આગ લાગ્યાની જાણ થઈ હતી. તાત્કાલિક આઠ ફાયર ટેન્ડર ઘટનાસ્થળે મોકલવામાં આવ્યા હતા. ફાયર ફાઈટરોએ તરત જ આગને કાબૂમાં લેવાના પ્રયાસો શરૂ કરી દીધા હતા, જેનાથી આગને ફેલાતી અટકાવી શકાઈ. સવારે 5:50 વાગ્યા સુધીમાં આગ પર સંપૂર્ણ કાબૂ મેળવી લેવામાં આવ્યો હતો.

આ પણ વાંચો: Mumbai માં શ્વાસ લેવો થયો મુશ્કેલ! ઝેરી હવાને લઈને BMCએ જાહેર કરી એડવાઈઝરી, જો ઉલ્લંઘન કર્યું તો…