વિપક્ષ સતત મુખ્ય ચૂંટણી કમિશનર (CEC) જ્ઞાનેશ કુમાર અને SIR પર હુમલો કરી રહ્યું છે. વિપક્ષનો વિરોધ આજે પણ ચાલુ રહેશે. ઈન્ડિયા એલાયન્સના સાંસદો રાજઘાટ તરફ કૂચ કરશે. ત્યારબાદ સાંજે 5:00 વાગ્યે કોન્સ્ટિટ્યુશન ક્લબ ખાતે એક પ્રેસ કોન્ફરન્સનું આયોજન કરવામાં આવ્યું છે. દિલ્હીમાં ઉપલબ્ધ તમામ ઈન્ડિયા એલાયન્સ સાંસદો કૂચમાં જોડાશે.

કોંગ્રેસ પ્રમુખ મલ્લિકાર્જુન ખડગેએ ભવિષ્યની રણનીતિ પર ચર્ચા કરવા માટે બપોરે 1:45 વાગ્યે લંચ મીટિંગ બોલાવી હતી. ખડગેએ બુધવારે દિલ્હીની સાગર રત્ન હોટેલમાં વિપક્ષી સાંસદો માટે લંચનું પણ આયોજન કર્યું હતું.

વરિષ્ઠ વિપક્ષી નેતાઓ મંગળવારથી રસ્તાઓ પર છે. 6 ઓક્ટોબરે ઈન્ડિયા એલાયન્સના સાંસદોએ સંસદ ભવનથી ચૂંટણી પંચ સુધી કૂચ કરવાનો પ્રયાસ કર્યો. જોકે, પોલીસે તમામ નેતાઓની અટકાયત કરી હતી. વિપક્ષનો દાવો છે કે લોકસભા અને રાજ્યસભાના આશરે 300 સાંસદોએ કૂચમાં ભાગ લીધો હતો. કૂચ દરમિયાન, રાહુલ ગાંધી અને પ્રિયંકા ગાંધી આકાશવાણી ભવનમાં પ્રવેશ્યા અને ત્યાં ઘણા કલાકો સુધી ધરણા કર્યા, જ્યાં પોલીસે તેમની અટકાયત કરી.

સતત અપડેટ ચાલુ છે…