જરાત સરકારે રાજ્યમાં સુરક્ષા દળો અને યુવાઓ સાથે જોડાયેલો એક અત્યંત મહત્વપૂર્ણ અને ઐતિહાસિક નિર્ણય લીધો છે. ભારતીય સેનામાં અગ્નિપથ યોજના હેઠળ સેવા આપી ચૂકેલા માજી અગ્નિવીરોને ગુજરાત પોલીસ દળમાં સમાવવા માટે સરકારે સીધી ભરતીના નિયમોમાં મોટો ફેરફાર કર્યો છે. ગૃહ વિભાગ દ્વારા આ અંગેનું સત્તાવાર જાહેરનામું (ગેઝેટ) બહાર પાડી દેવામાં આવ્યું છે. આ નવા સુધારા મુજબ, રાજ્ય પોલીસ દળની સીધી ભરતી પ્રક્રિયામાં માજી અગ્નિવીરોને લેખિત પરીક્ષામાંથી સંપૂર્ણપણે મુક્તિ આપવાનો નિર્ણય લેવાયો છે.
ગૃહ વિભાગે સત્તાવાર ગેઝેટ બહાર પાડ્યું
ગૃહ વિભાગ દ્વારા બહાર પાડવામાં આવેલા ઓફિશિયલ ગેઝેટ મુજબ ગુજરાત પોલીસ ભરતી બોર્ડ દ્વારા યોજાતી સીધી ભરતી પ્રક્રિયામાં માજી અગ્નિવીરો માટે વિશેષ છૂટછાટો અને રાહતો અમલી બનાવવામાં આવી છે.અગ્નિવીરોએ સૈન્ય તાલીમ અને શિસ્તબદ્ધ સેવા પૂર્ણ કરેલી હોવાથી તેમને ભરતી પ્રક્રિયાની લેખિત પરીક્ષા આપવાની જરૂર રહેશે નહીં.આ નિયમ અમલમાં આવતાં જ દેશસેવા કરીને વતનમાં પરત ફરનારા યુવાનો માટે ખાખી વર્દી મેળવવાનો માર્ગ વધુ સરળ અને ઝડપી બનશે.
રાજ્યમાં માજી અગ્નિવીરો માટે રોજગારીની નવી તકો
કેન્દ્ર સરકારની અગ્નિપથ સ્કીમ હેઠળ ચાર વર્ષની સેવા બાદ મુક્ત થતા અગ્નિવીરોના પુનર્વસન અને રોજગારી માટે ગુજરાત સરકારનું આ પગલું મહત્વપૂર્ણ સાબિત થશે: સેનાની કઠોર તાલીમ પામેલા શિસ્તબદ્ધ જવાનો સીધા જ ગુજરાત પોલીસમાં સામેલ થશે, જેનાથી રાજ્યના પોલીસ દળની કાર્યક્ષમતા અને ક્ષમતામાં મોટો વધારો થશે.સેનામાંથી પરત ફરતા ગુજરાતના યુવા અગ્નિવીરોને પોતાના જ રાજ્યમાં પ્રતિષ્ઠિત સરકારી નોકરી મેળવવાની ઉત્તમ તક મળશે.