સોનાની કિંમતમાં છેલ્લા ઘણા દિવસોથી ઘટી રહ્યા છે. ચાંદીની કિંમતમાં પણ ઘટાડો આવ્યો છે. પરંતુ સોનાની કિંમત સામે તેના માગમાં ઘટાડો થયો હોવાનુ સામે આવ્યું છે.  સામાન્ય રીતે સોનું એ ભારતીયોમાં પરંપરા મુજબ આપવાનો અને લેવાનો વ્યવહાર છે. માંગલિક પ્રસંગોમાં સોનું અને ચાંદી સૌથી જરૂરી છે.  ત્યારે વર્લ્ડ ગોલ્ડ કાઉન્સિલે સોનાની માગને લઇને મહત્વની વાત કરી છે. 

સોનાની માગ આ વર્ષે ઘટી 

વર્લ્ડ ગોલ્ડ કાઉન્સિલે જણાવ્યું છે કે 2026 માં ભારતમાં સોનાની માંગ ઘટીને લગભગ 650 ટન થઈ શકે છે, જે છેલ્લા છ વર્ષનું સૌથી નીચું સ્તર હશે. આ ઘટાડા પાછળ સોનાના રેકોર્ડ-ઉંચા ભાવ અને નબળા ચોમાસાને જવાબદાર ગણવામાં આવી રહ્યા છે.

આજે સોનાના ભાવમાં ઘટાડો 

ભારતમાં તહેવારોની મોસમ ચાલી રહી છે. આજે 3 નવેમ્બરે, સોનાના ભાવમાં ₹1300-1500થી વધુનો ઘટાડો જોવા મળ્યો છે. આ ઘટાડાનું મુખ્ય કારણ સોનાની માંગમાં આવેલો ઘટાડો છે. વર્લ્ડ ગોલ્ડ કાઉન્સિલનો એક અહેવાલ સામે આવ્યો છે, જેણે ઘણા લોકોને આશ્ચર્યચકિત કરી દીધા છે. ભારતમાં સોનાના ઉંચા ભાવને કારણે માંગ છેલ્લા છ વર્ષના સૌથી નીચલા સ્તરે પહોંચી ગઈ છે, જેના પરિણામે ભાવમાં ઘટાડો થયો છે. શક્ય છે કે આ વલણ ચાલુ રહે, એટલે કે આગામી સમયમાં સોનાના ભાવમાં વધુ ઘટાડો જોવા મળી શકે છે.ચાલો જોઈએ કે સોનાની માંગ અંગે વર્લ્ડ ગોલ્ડ કાઉન્સિલનો અહેવાલ શું કહે છે.

સોનાની માંગમાં ઘટાડો

મંગળવારે, વર્લ્ડ ગોલ્ડ કાઉન્સિલ (WGC) એ જણાવ્યું હતું કે 2026માં ભારતમાં સોનાની માંગ ઘટીને છેલ્લા છ વર્ષના સૌથી નીચલા સ્તરે આવી શકે છે. તેનું કારણ એ છે કે સોનાના ઉંચા ભાવ દાગીનાના વેચાણ પર અસર કરી રહ્યા છે, અને રોકાણ તરીકે સોનાની માંગમાં પણ ઘટાડો થયો છે.

ચીન પછી વિશ્વમાં સોનાનો બીજો સૌથી મોટો ઉપભોક્તા દેશ ભારત હાલમાં વધતા ફુગાવાનો સામનો કરી રહ્યો છે, જે ઈરાન સાથે સંકળાયેલા સંઘર્ષને કારણે વધુ વકર્યો છે. વધુમાં, નબળા ચોમાસાને કારણે ગ્રામીણ વિસ્તારોમાં દાગીનાની માંગ પર નકારાત્મક અસર પડવાની શક્યતા છે.

WGCના ભારતીય કાર્યાલયના સીઈઓ સચિન જૈને રોઇટર્સને જણાવ્યું હતું કે વર્ષના પ્રથમ નવ મહિના દરમિયાન દાગીનાની માંગમાં ઘટાડો નોંધાયો છે. પરિણામે, કુલ માંગ ઘટીને લગભગ 650 મેટ્રિક ટન થવાની ધારણા છે. જે 2020 પછીનું સૌથી નીચું સ્તર હશે. નોંધનીય છે કે 2020માં કોવિડ-19 મહામારીને કારણે દાગીનાની દુકાનો બંધ રાખવી પડી હતી.

દાગીનાના વેચાણમાં 20%નો ઘટાડો

સચિન જૈને જણાવ્યું હતું કે સપ્ટેમ્બર ક્વાર્ટરમાં સોનાની માંગમાં ગયા વર્ષની સરખામણીએ 29%નો ઘટાડો થયો છે અને તે ઘટીને 162.5  મેટ્રિક ટન થઈ ગઈ છે. આમાં દાગીનાની ખરીદીમાં 20%નો ઘટાડો અને રોકાણ સંબંધિત માંગમાં 40%નો ઘટાડો સામેલ છે.

તેમણે નોંધ્યું હતું કે ડિસેમ્બર ત્રિમાસિક ગાળામાં માંગમાં સુધારો થવાની અપેક્ષા છે, કારણ કે લોકો દિવાળી જેવા મુખ્ય તહેવારો અને લગ્નસરાની સીઝન દરમિયાન સોનું ખરીદી શકે છે.

ભારતમાં ઓક્ટોબરમાં દશેરાની ઉજવણી કરવામાં આવી હતી અને નવેમ્બરની શરૂઆતમાં દિવાળી આવશે. આ એવો સમયગાળો છે જ્યારે સોનું ખરીદવું શુભ માનવામાં આવે છે.

વર્લ્ડ ગોલ્ડ કાઉન્સિલ (WGC) દ્વારા મંગળવારે જાહેર કરાયેલા એક અહેવાલ મુજબ, સોનાના ઊંચા ભાવ અને નબળા ચોમાસાને કારણે ગ્રામીણ અર્થતંત્રમાં મંદી આવી છે, જે સોનાની માંગને મર્યાદિત રાખી શકે છે.

ગ્રામીણ વિસ્તારોમાં આવકમાં ઘટાડો

ભારતમાં સોનાની અડધાથી વધુ માંગ ગ્રામીણ વિસ્તારોમાંથી આવે છે, જ્યાં લાખો લોકો માટે ઘરેણાં એ સંપત્તિ એકત્ર કરવાનું પરંપરાગત માધ્યમ છે. ચોમાસાની સીઝનમાં એક દાયકાથી વધુ સમયમાં સૌથી ઓછો વરસાદ નોંધાયો હતો, જેની અસર કૃષિ ઉત્પાદન પર પડી અને ખેડૂતોની આવકમાં ઘટાડો થયો.

સચિન જૈને જણાવ્યું હતું કે સપ્ટેમ્બર ત્રિમાસિક ગાળા દરમિયાન ભારતમાં સોનાની આયાતમાં ઘટાડો થયો છે. તેનું એક કારણ એ છે કે, આ વર્ષની શરૂઆતમાં સરકારે સોના પરની આયાત શુલ્ક (import duty) વધારવાનો નિર્ણય લીધા બાદ, અનૌપચારિક માધ્યમો (સત્તાવાર રેકોર્ડ વિના) દ્વારા સોનાની આવકમાં વધારો જોવા મળ્યો છે.

આ પણ વાંચો: Sanwaliya Seth: 23 કરોડ રોકડ, 92 કિલો સોનું ચાંદી અને..સાંવરિયા શેઠ મંદિરનો ખૂલ્યો ભંડાર