સોના અને ચાંદીના ભાવમાં આવેલા આ તીવ્ર ઘટાડા પાછળ મજબૂત યુએસ ડોલર, ક્રૂડ ઓઈલના વધતા ભાવ અને વૈશ્વિક બજારોમાં મોટા પાયે વેચવાલી જેવા અનેક કારણો જવાબદાર છે.
29 સપ્ટેમ્બરે સોનાનો ભાવ ઘટ્યો
સોના અને ચાંદીના ભાવમાં નોંધપાત્ર ઘટાડો જોવા મળી રહ્યો છે. ‘ઇન્ડિયા બુલિયન એન્ડ જ્વેલર્સ એસોસિએશન’ (IBJA) અનુસાર, સોમવાર, 28 સપ્ટેમ્બરના રોજ 24-કેરેટ સોનાના ભાવમાં (10 ગ્રામ દીઠ) ₹4,133નો ઘટાડો થયો. જેનાથી ભાવ ₹1.48 લાખના સ્તરે પહોંચી ગયા. ચાંદીના ભાવમાં પણ મોટો ઘટાડો નોંધાયો હતો; ગઈકાલે તેના ભાવમાં ₹9,297નો ઘટાડો થતાં તે ₹2.23 લાખના સ્તરે સ્થિર થયા હતા.
MCX પર સોનાની સ્થિતિ શું છે?
મલ્ટી કોમોડિટી એક્સચેન્જ (MCX) પર, આ અહેવાલ લખાય છે તે સમયે, ઓક્ટોબર ડિલિવરી માટેના સોનાના ભાવમાં ₹122નો ઘટાડો થયો હતો અને તે 10 ગ્રામ દીઠ ₹1,48,860 પર ટ્રેડ થઈ રહ્યું હતું. બીજી તરફ ચાંદીના ભાવમાં ₹1,400નો ઘટાડો થયો અને તે પ્રતિ કિલોગ્રામ ₹2,26,306 પર પહોંચી ગઈ.
આજનો સોનાનો ભાવ
- આજે 24-કેરેટ સોનાનો ભાવ પ્રતિ 10 ગ્રામ ₹147980 છે.
- આજે 22-કેરેટ સોનાનો ભાવ પ્રતિ 10 ગ્રામ ₹135550 છે.
- આજે 18-કેરેટ સોનાનો ભાવ પ્રતિ 10 ગ્રામ ₹110985 છે.
સોનું અને ચાંદી દબાણ હેઠળ
ન્યૂઝ એજન્સી પીટીઆઈના અહેવાલ મુજબ, બ્રોકરેજ ફર્મ લેમનના રિસર્ચ હેડ ગૌરવ ગર્ગે જણાવ્યું હતું કે સોમવારે સોના અને ચાંદીના ભાવમાં ઘટાડો જોવા મળ્યો હતો કારણ કે મજબૂત ડોલરે આ કિંમતી ધાતુઓને દબાણ હેઠળ રાખી હતી.
ગર્ગે નોંધ્યું હતું કે બ્રેન્ટ ક્રૂડ ગઈકાલે 4% વધીને $108.53 પ્રતિ બેરલ પર પહોંચ્યું હતું. આ ઉછાળો અમેરિકા અને ઈરાન વચ્ચેના નવા તણાવને કારણે થયો હતો. ડોનાલ્ડ ટ્રમ્પ દ્વારા ઈરાનના સાત દિવસના શાંતિ પ્રસ્તાવને નકારી કાઢવામાં આવ્યા પછી અને હોર્મુઝ સ્ટ્રેટમાંથી પસાર થતા ઊર્જા પુરવઠા અંગે વધતી ચિંતાઓ.
દેશના મોટા શહેરોમાં શું છે સોના ચાંદીના ભાવ( ગુડ રિટર્ન્સ અનુસાર ) (29 સપ્ટેમ્બર)
| શહેર | 24 કેરેટનો ભાવ | 22 કેરેટનો ભાવ |
| દિલ્હી | 1,48,950 | 1,36,550 |
| મુંબઈ | 1,48,800 | 1,36,400 |
| કોલકાતા | 1,48,800 | 1,36,400 |
| ચેન્નઈ | 1,48,800 | 1,36,400 |
| અમદાવાદ | 1,48,850 | 1,36,450 |
સપ્ટેમ્બરમાં સોનાનો શું આવ્યો ભાવ ?
યુએસ ફેડરલ રિઝર્વ દ્વારા ત્રણ વર્ષમાં પ્રથમ વખત વ્યાજદરમાં 25 બેઝિસ પોઈન્ટ્સ (0.25%)નો વધારો કરવાના નિર્ણય બાદ સોનાના ભાવમાં ઘટાડો થયો છે. જ્યારે યુએસની મધ્યસ્થ બેંક વ્યાજદરમાં વધારો કરે છે, ત્યારે રોકાણકારો સરકારી બોન્ડ્સ (યુએસ ટ્રેઝરી બોન્ડ્સ) અને બેંક ફિક્સ્ડ ડિપોઝિટને સુરક્ષિત રોકાણ તરીકે જુએ છે, કારણ કે આ સાધનો સોનાની તુલનામાં વધુ વળતર આપવાનું શરૂ કરે છે. પરિણામે, જ્યારે વ્યાજદરમાં વધારો થાય છે, ત્યારે રોકાણકારો ઘણીવાર સોનામાંથી મૂડી કાઢીને આ સંપત્તિઓમાં રોકાણ કરે છે. જોકે, યુએસ-ઈરાન વચ્ચેના ચાલુ સંઘર્ષ અને પ્રવર્તમાન આર્થિક અનિશ્ચિતતાઓને ધ્યાનમાં લેતા, રોકાણકારો ફરી એકવાર સુરક્ષિત રોકાણ તરીકે સોના તરફ વળી શકે છે.