Asia Cup 2026, INDW vs BANW LIVE Score: મહિલા એશિયા કપ 2026ની પ્રથમ સેમિફાઇનલમાં ભારતે બાંગ્લાદેશને 40 રનથી હરાવી ફાઇનલમાં જગ્યા બનાવી છે. આ મેચ દુબઈના દુબઈ ઇન્ટરનેશનલ ક્રિકેટ સ્ટેડિયમમાં રમાઈ હતી. બાંગ્લાદેશે ટોસ જીતીને પહેલા બોલિંગ કરવાનો નિર્ણય લીધો હતો. શેફાલી વર્માની શાનદાર અડધી સદીના આધારે ભારતે 20 ઓવરમાં 6 વિકેટે 149 રન બનાવ્યા હતા. શેફાલીએ 64 રન બનાવ્યા.

આ ઉપરાંત હરમનપ્રીત કૌરે 24, પ્રતિકા રાવલે 20, રિચા ઘોષે 21 અને દીપ્તિ શર્માએ 13 રનનું યોગદાન આપ્યું. સ્મૃતિ મંધાના 2 રન અને ભારતી ફુલમાલી ખાતું ખોલ્યા વિના આઉટ થઈ હતી. બાંગ્લાદેશ તરફથી સુલતાના ખાતૂને 2 વિકેટ લીધી, જ્યારે મારૂફા અખ્તર, નાહિદા અખ્તર અને રબેયા ખાને 1-1 વિકેટ ઝડપી હતી. 150 રનના લક્ષ્યાંકનો પીછો કરવા ઉતરેલી બાંગ્લાદેશની ટીમ 20 ઓવરમાં 7 વિકેટે 109 રન જ બનાવી શકી હતી. બંને ટીમોની પ્લેઇંગ-11માં કોઈ ફેરફાર કરવામાં આવ્યો નહોતો.

ભારત સામે બાંગ્લાદેશનો પરાજય

150 રનના લક્ષ્યાંકનો પીછો કરવા ઉતરેલી બાંગ્લાદેશની શરૂઆત ખૂબ જ ખરાબ રહી. ટીમે પાવરપ્લેમાં માત્ર 26 રન બનાવ્યા અને 1 વિકેટ ગુમાવી. ત્યારબાદ બાંગ્લાદેશની ટીમ મેચમાં વાપસી કરી શકી નહીં અને 20 ઓવરમાં 7 વિકેટના નુકસાન પર માત્ર 109 રન જ બનાવી શકી. દીપ્તિ શર્મા ભારતની સૌથી સફળ બોલર રહી. તેણે 4 ઓવરમાં 26 રન આપીને 3 વિકેટ ઝડપી. જ્યારે નંદની શર્માએ 2 વિકેટ લીધી. શ્રી ચરણી અને પ્રેમા રાવતને 1-1 સફળતા મળી.

40 રનથી ભારતની જીત

બાંગ્લાદેશની ટીમ 20 ઓવરમાં 7 વિકેટના નુકસાન પર 109 રન જ બનાવી શકી હતી. જેના કારણે ભારતે આ મેચ 40 રનથી જીતી લીધી છે. આ સાથે ભારતે સતત 10મી વખત ફાઇનલમાં જગ્યા બનાવી છે. આ મેચમાં દીપ્તિ શર્મા ભારતની સૌથી સફળ બોલર રહી. તેણે 3 વિકેટ ઝડપી, જ્યારે નંદની શર્માને 2 સફળતા મળી.

બાંગ્લાદેશે 5મી વિકેટ ગુમાવી

બાંગ્લાદેશની ઈનિંગ લથડતી જોવા મળી રહી છે. ટીમે 83 રનના સ્કોર પર પોતાની 5મી વિકેટ પણ ગુમાવી છે. દીપ્તિ શર્માએ પોતાની ત્રીજી વિકેટ ઝડપી છે.

ટીમ ઈન્ડિયાને ચોથી સફળતા

બાંગ્લાદેશને મોટો ઝટકો લાગ્યો છે. કેપ્ટન નિગાર સુલ્તાના 17 બોલમાં 19 રન બનાવીને આઉટ થઈ ગઈ છે. બાંગ્લાદેશે 76 રનના સ્કોર પર ચોથી વિકેટ ગુમાવી છે.

બાંગ્લાદેશને જીતવા માટે 104 રનની જરૂર

બાંગ્લાદેશની ઈનિંગની 10 ઓવર પૂરી થઈ ગઈ છે. ટીમે 2 વિકેટના નુકસાન પર 46 રન બનાવ્યા છે. હવે બાંગ્લાદેશને જીતવા માટે 60 બોલમાં 104 રનની જરૂર છે.

દિલારા અખ્તર આઉટ

બાંગ્લાદેશને 35 રનના સ્કોર પર બીજો ઝટકો લાગ્યો છે. દિલારા અખ્તર 26 બોલમાં 21 રન બનાવીને આઉટ થઈ ગઈ છે. આ વિકેટ દીપ્તિ શર્માએ લીધી છે.

જુએરિયા ફિરદૌસ આઉટ

ભારતને પહેલી સફળતા મળી છે. બાંગ્લાદેશે 26 રનના સ્કોર પર પોતાની પહેલી વિકેટ ગુમાવી છે. જુએરિયા ફિરદૌસ 18 બોલમાં 14 રન બનાવીને શ્રી ચરણીએ આઉટ કરી છે.

ભારતની ઈનિંગ

ભારત માટે શેફાલી વર્માએ 64, હરમનપ્રીત કૌરે 24, પ્રતિકા રાવલે 20, રિચા ઘોષે 21 અને દીપ્તિ શર્માએ 13 રન બનાવ્યા. સ્મૃતિ મંધાના 2 રન અને ભારતી ફુલમાલી ખાતું ખોલાવ્યા વગર આઉટ થઈ. બાંગ્લાદેશ માટે સુલતાના ખાતૂને 2 વિકેટ લીધી. મારૂફા અખ્તર, નાહિદા અખ્તર અને રબેયા ખાને 1-1 વિકેટ લીધી.

ટીમ ઈન્ડિયાએ 149 રન બનાવ્યા

ઈનિંગની છેલ્લી બોલ પર ભારતી ફુલમાલી પણ રનઆઉટ થઈ ગઈ. આ સાથે ટીમ ઈન્ડિયાએ 20 ઓવરમાં 6 વિકેટના નુકસાન પર 149 રન બનાવ્યા. ભારત તરફથી શેફાલી વર્માએ સૌથી વધુ 64 રન બનાવ્યા. જ્યારે કેપ્ટન હરમનપ્રીત કૌર 24 રન બનાવીને નોટઆઉટ રહી.

રિચા ઘોષ આઉટ

રિચા ઘોષને નાહિદા અખ્તરે આઉટ કરી. રિચાએ 21 રન બનાવ્યા. હવે દીપ્તિ શર્મા બેટિંગ કરવા આવી છે. હરમનપ્રીત કૌર 16 રન બનાવીને ક્રીઝ પર છે. ભારતે 18.3 ઓવરમાં 4 વિકેટે 128 રન બનાવ્યા છે.

અડધી સદી ફટકારી શેફાલી વર્મા આઉટ 

ભારતને શેફાલી વર્માના રૂપમાં ત્રીજો ફટકો પડ્યો. શેફાલી શાનદાર બેટિંગ કરી રહી હતી અને તેણે અડધી સદી ફટકારી હતી, પરંતુ સુલતાના ખાતુને તેની વિકેટ લીધી. બાંગ્લાદેશે શેફાલીને ત્રણ રાહત આપી હતી, પરંતુ સુલતાનાએ આખરે તેની વિકેટ મેળવી લીધી. શેફાલી 40 બોલમાં 64 રન બનાવીને આઉટ થઈ ગઈ, જેમાં તેણે સાત ચોગ્ગા અને ત્રણ છગ્ગા ફટકાર્યા હતા.

ભારતે બીજી વિકેટ ગુમાવી 

પ્રતિકા રાવલના રૂપમાં ભારતને બીજી વિકેટનો સામનો કરવો પડ્યો. રાબિયા ખાને પ્રતિકાને આઉટ કરી, જેણે 24 બોલમાં એક ચોગ્ગા અને એક છગ્ગાની મદદથી 20 રન બનાવ્યા. પ્રતિકા અને શેફાલીએ બીજી વિકેટ માટે 50 રન ઉમેર્યા.

સ્મૃતિ મંધાના આઉટ

ભારતને પહેલો ફટકો બીજી ઓવરમાં પડ્યો જ્યારે સ્મૃતિ મંધાના આઉટ થઈ ગઈ. તેણે પાંચ બોલમાં બે રન બનાવ્યા. 

બાંગ્લાદેશે જીત્યો ટોસ 

ભારત સામે મહિલા એશિયા કપ સેમિફાઇનલમાં બાંગ્લાદેશની કેપ્ટન નિગાર સુલ્તાનાએ ટોસ જીતીને પ્રથમ બોલિંગ કરવાનો નિર્ણય લીધો. આ મેચ માટે બાંગ્લાદેશ કે ભારત બંનેમાંથી કોઈએ તેમના પ્લેઇંગ ઇલેવનમાં કોઈ ફેરફાર કર્યો નથી.

ભારતીય મહિલા ટીમઃ

સ્મૃતિ મંધાના, શફાલી વર્મા, પ્રતિકા રાવલ, હરમનપ્રીત કૌર (કેપ્ટન), ભારતી ફુલમાલી, રિચા ઘોષ (વિકેટકીપર), દીપ્તિ શર્મા, પ્રેમા રાવત, નંદની શર્મા, શ્રી ચરાણી, ક્રાંતિ ગૌડ, ગુણલન કમલિની, રેણુકા સિંહ ઠાકુર, રેણુકા સિંઘ, યાકૂત રેડ્ડી.

બાંગ્લાદેશની મહિલા ટીમઃ

દિલારા અખ્તર, ઝુરિયા ફિરદૌસ, સોભના મોસ્તારી, નિગાર સુલતાના (વિકેટકીપર/કેપ્ટન), શર્મિન અખ્તર, શોર્ના અખ્તર, ફાહિમા ખાતુન, નાહિદા અખ્તર, રાબેયા ખાન, સુલ્તાના ખાતુન, મારુફા અખ્તર, ફરઝાના ઈસ્મિન, મેઘાના, શાન્ની, શાન્ની, મો સારન્દા.