ભારત અને ન્યૂઝીલેન્ડ વચ્ચેની T20I સિરીઝ પૂરી થયા બાદ હવે બંને ટીમો વનડે ક્રિકેટમાં ટકરાવા માટે તૈયાર છે. 5 મેચની ODI સિરીઝનો પ્રારંભ 4 નવેમ્બરથી થશે. આ સિરીઝમાં ભારતીય ચાહકોને રોહિત શર્મા અને વિરાટ કોહલીને ફરી એકવાર વનડે ફોર્મેટમાં રમતા જોવાની તક મળશે. ત્યારે સૌથી મોટો સવાલ એ છે કે આ તમામ મેચ ટીવી અને મોબાઇલ પર ક્યાં જોઈ શકાશે? ખાસ વાત એ છે કે ચાહકો માટે ફ્રીમાં મેચ જોવાનો વિકલ્પ પણ ઉપલબ્ધ છે.

DD ફ્રી ડિશ પર ફ્રીમાં જોઈ શકાશે મેચ

ભારત-ન્યૂઝીલેન્ડ ODI સિરીઝનું લાઇવ ટેલિકાસ્ટ DD ફ્રી ડિશના DD Sports ચેનલ પર કરવામાં આવશે. એટલે DD ફ્રી ડિશનો ઉપયોગ કરતા દર્શકો કોઈ વધારાનું માસિક રિચાર્જ કરાવ્યા વિના મેચનો આનંદ માણી શકશે. આ ઉપરાંત ટીવી પર સોની સ્પોર્ટ્સ નેટવર્કની ચેનલો પર પણ મેચનું સીધું પ્રસારણ થશે.

મોબાઇલ અને લેપટોપ પર ક્યાં જોઈ શકશો?

જે દર્શકો મોબાઇલ, ટેબલેટ કે લેપટોપ પર મેચ જોવા માગે છે, તેઓ Sony LIV એપ અને વેબસાઇટ પર લાઇવ સ્ટ્રીમિંગ જોઈ શકશે. એટલે ચાહકો પાસે ટીવી ઉપરાંત ઓનલાઇન મેચ જોવાનો વિકલ્પ પણ રહેશે.

પ્રથમ ODI ક્યારે અને ક્યાં રમાશે?

ભારત અને ન્યૂઝીલેન્ડ વચ્ચે પ્રથમ વનડે 4 નવેમ્બરે ઓકલેન્ડના ઈડન પાર્કમાં રમાશે. ભારતીય સમય પ્રમાણે મેચ સવારે 7:30 વાગ્યે શરૂ થશે, જ્યારે ટોસ સવારે 7 વાગ્યે થશે. સિરીઝની તમામ પાંચ મેચ ભારતીય સમય પ્રમાણે સવારે 7:30 વાગ્યે શરૂ થવાની છે.

રોહિત-વિરાટ પર રહેશે નજર

ભારતીય ટીમ શુભમન ગિલની કેપ્ટનશિપમાં પ્રથમ ત્રણ વનડે રમશે, જ્યારે છેલ્લી બે મેચમાં શ્રેયસ ઐયર ટીમની આગેવાની કરશે. રોહિત શર્મા અને વિરાટ કોહલી પણ વનડે ટીમનો ભાગ છે. બીજી તરફ ન્યૂઝીલેન્ડની ટીમ મિચેલ સેન્ટનરના નેતૃત્વમાં મેદાનમાં ઉતરશે.

ભારતીય ટીમે તાજેતરમાં T20I સિરીઝ 3-2થી જીતી હતી. હવે વનડે સિરીઝમાં પણ જીત સાથે શરૂઆત કરવાનો ટીમ ઇન્ડિયાનો પ્રયાસ રહેશે.
આ પણ વાંચો: IND VS SL: દિલ્હીના પ્રદૂષણથી ભારત-શ્રીલંકા ODI પર સંકટ! BCCIના નિર્ણયની રાહ