ભારત અને ન્યૂઝીલેન્ડ વચ્ચે હાલ 5 મેચની વનડે સિરીઝ રમાઈ રહી છે. આ સિરીઝની 3 મેચ પૂર્ણ થઈ ગઈ છે, જ્યારે 2 મેચ રમાવાની બાકી છે. વનડે સિરીઝ બાદ બંને ટીમો વચ્ચે 2 મેચની ટેસ્ટ સિરીઝ રમાશે. આ ટેસ્ટ સિરીઝ માટે ન્યૂઝીલેન્ડ ક્રિકેટ બોર્ડે પોતાની 14 સભ્યોની ટીમ જાહેર કરી દીધી છે. ટીમની કમાન અનુભવી ખેલાડી ટોમ લાથમને સોંપવામાં આવી છે. આ બંને ટેસ્ટ મેચ ICC વર્લ્ડ ટેસ્ટ ચેમ્પિયનશિપ અંતર્ગત રમાશે.

ટોમ લાથમના નેતૃત્વમાં ઉતરશે ન્યૂઝીલેન્ડની ટીમ

ભારત સામેની મહત્વપૂર્ણ ટેસ્ટ સિરીઝ માટે ન્યૂઝીલેન્ડે અનુભવી ખેલાડીઓ પર વિશ્વાસ વ્યક્ત કર્યો છે. જાહેર કરવામાં આવેલી 14 સભ્યોની ટીમમાં ટોમ બ્લંડેલ, ડેવોન કોનવે અને રચિન રવીન્દ્ર જેવા ખેલાડીઓને સ્થાન આપવામાં આવ્યું છે.ટોમ લાથમ ફરી એકવાર ટીમનું નેતૃત્વ કરશે. વિકેટકીપર ટોમ બ્લંડેલ અને ડેવોન કોનવે જેવા ખેલાડીઓની હાજરીથી ટીમની બેટિંગ મજબૂત બનશે. જ્યારે રચિન રવીન્દ્ર બેટિંગની સાથે બોલિંગમાં પણ ટીમ માટે ઉપયોગી સાબિત થઈ શકે છે.આ ઉપરાંત જેકબ ડફીને પણ ટીમમાં સ્થાન મળ્યું છે. ન્યૂઝીલેન્ડને આશા છે કે સિરીઝ શરૂ થાય તે પહેલાં ઈજાગ્રસ્ત ખેલાડીઓ પણ સંપૂર્ણ રીતે ફિટ થઈ જશે.

ઈજાગ્રસ્ત ખેલાડીઓની ટીમમાં વાપસીની આશા

ન્યૂઝીલેન્ડની ટીમમાં કેટલાક એવા ખેલાડીઓનો પણ સમાવેશ કરવામાં આવ્યો છે, જેઓ છેલ્લા કેટલાક સમયથી ઈજાની સમસ્યાનો સામનો કરી રહ્યા હતા. જોકે, ટેસ્ટ મેચ શરૂ થાય ત્યાં સુધીમાં તેઓ ફિટ થઈ જાય તેવી આશા છે.બીજી તરફ બેન સિયર્સ, જેક ફોલ્ક્સ અને વિલ ઓ’રૂર્કે ઈજાને કારણે ટીમમાં સ્થાન મેળવી શક્યા નથી. આ ખેલાડીઓની ગેરહાજરી ન્યૂઝીલેન્ડના બોલિંગ વિભાગ માટે પડકાર બની શકે છે.

વર્લ્ડ ટેસ્ટ ચેમ્પિયનશિપ માટે બંને ટીમો માટે મહત્વપૂર્ણ સિરીઝ

ભારત અને ન્યૂઝીલેન્ડ વચ્ચેની આ ટેસ્ટ સિરીઝ વર્લ્ડ ટેસ્ટ ચેમ્પિયનશિપના દૃષ્ટિકોણથી ખૂબ જ મહત્વપૂર્ણ રહેશે. હાલ પોઈન્ટ ટેબલમાં ન્યૂઝીલેન્ડ પ્રથમ સ્થાન પર છે, જ્યારે ભારતીય ટીમ ચોથા સ્થાને છે.વર્ષ 2024માં ન્યૂઝીલેન્ડની ટીમ ભારતના પ્રવાસે આવી હતી. ત્યારે કિવી ટીમે ભારતીય ધરતી પર 3-0થી ટેસ્ટ સિરીઝ જીતીને મોટો ઉલટફેર કર્યો હતો. ભારતીય ટીમને પોતાની જ ધરતી પર ક્લીન સ્વીપનો સામનો કરવો પડ્યો હતો.હવે બંને ટીમો ફરી એકવાર ટેસ્ટ ક્રિકેટમાં આમનેસામને થશે. આ વખતે મેદાન ન્યૂઝીલેન્ડનું હશે. ભારતીય ટીમ માટે આ સિરીઝમાં જીત મેળવીને વર્લ્ડ ટેસ્ટ ચેમ્પિયનશિપના પોઈન્ટ ટેબલમાં પોતાની સ્થિતિ મજબૂત કરવાની તક રહેશે.

ન્યૂઝીલેન્ડની 14 સભ્યોની ટીમ

ટોમ લાથમ (કપ્તાન),ટોમ બ્લંડેલ,ડેવોન કોનવે,જેકબ ડફી,મેટ હેનરી,કાયલ જેમિસન,ડેરિલ મિચેલ,હેનરી નિકોલ્સ,ગ્લેન ફિલિપ્સ,રચિન રવીન્દ્ર,મિચેલ સેન્ટનર,નાથન સ્મિથ,બ્લેર ટિકનર,વિલ યંગ

ભારત-ન્યૂઝીલેન્ડ ટેસ્ટ સિરીઝનું શેડ્યૂલ

પ્રથમ ટેસ્ટ

તારીખ: 19થી 24 નવેમ્બર

સ્થળ: વેલિંગ્ટન

બીજી ટેસ્ટ

તારીખ: 27 નવેમ્બરથી 2 ડિસેમ્બર

સ્થળ: ક્રાઇસ્ટચર્ચ

આ પણ વાંચો – Aaryavir Sehwag: વીરેન્દ્ર સેહવાગના દીકરાનો ધમાકો, ભારત સેમિફાઇનલમાં!