રાજસ્થાનની રાજધાની જયપુરના બાગરુ વિસ્તારમાં આવેલા રામપુરા-કંવરપુરા ગામમાં એક સરકારી શાળાને લઈને મોટો હોબાળો મચી ગયો. ‘સ્કૂલ ઠીક કરો’ (શાળાને ઠીક કરો) અભિયાનના ભાગ રૂપે, કોકરોચ જનતા પાર્ટી (CJP) એ ગામની સરકારી શાળાની સ્થિતિનું નિરીક્ષણ કરવા માટે પાર્ટીના કાર્યકરોને મોકલ્યા હતા, પરંતુ ગ્રામજનોએ તેમને ભગાડી દીધા.

સીજેપીએ લગાવ્યો હુમલો કર્યાનો આરોપ 

CJP સાથે સંકળાયેલા આશુતોષ રંકાએ આરોપ લગાવ્યો કે ભાજપના કાર્યકરોએ તેમની ટીમના સભ્યો પર હુમલો કર્યો અને તેમના વાહનોની બારીઓ તોડી નાખી. મહત્વનું છે કે  રામપુરા-કંવરપુરા ગામની સરકારી પ્રાથમિક શાળામાં વહેલી સવારે સીજેપીના કાર્યકરો શાળાની સ્થિતિનું નિરીક્ષણ કરવા પહોંચ્યા ત્યારે હોબાળો મચી ગયો હતો. ગ્રામજનોએ મુલાકાતનો વિરોધ કર્યો અને તેમને ભગાડી દીધા. થોડા સમય પછી, આશુતોષ રંકા પોતે શાળામાં પહોંચ્યા, જ્યાં ગ્રામજનોએ તેમની વિરુદ્ધ સૂત્રોચ્ચાર કરવાનું શરૂ કર્યું.

વાતાવરણ ધીમે ધીમે તંગ બન્યું, અને થોડી જ વારમાં ઝપાઝપી શરૂ થઈ ગઈ. ગ્રામજનોએ કાર્યકર્તાઓને માર માર્યો અને તેમને ગામમાંથી બહાર કાઢી મૂક્યાના આરોપ લાગ્યા છે.  સાથે જ તેમના વાહનોના કાચ પણ તોડી નાખ્યા. આ ઘટના દરમિયાન, કાર્યકર્તાઓના વાહનોમાં તોડફોડ કરવામાં આવી હતી, અને તેમની બારીઓ તોડી નાખવામાં આવી હતી. ગ્રામજનોએ કાર્યકર્તાઓ પર રેતી અને પથ્થરો પણ ફેંક્યા હતા.

ગ્રામજનો ન હતા, બીજેપીના ગુંડા હતા- સીજેપી 

તેમણે આરોપ લગાવ્યો હતો કે ગામમાં પહોંચેલા લોકો ખરેખર ગ્રામજનો નહોતા પરંતુ ભાજપ દ્વારા લાવવામાં આવેલા વ્યક્તિઓ હતા; તેમનો નેતા કમલ પ્રધાન ગરીબોની જમીન પર અતિક્રમણ કરવા માટે જાણીતો છે. રંકાએ વધુમાં જણાવ્યું હતું કે ભાજપના કાર્યકર્તાઓએ તેમની ટીમના સભ્યો પર હુમલો કર્યો હતો જે સ્થળ પર પહેલાથી જ હાજર હતા.