રિલાયન્સ ઇન્ડસ્ટ્રીઝની ટેલિકોમ અને ડિજિટલ પાંખ Jio Platforms ના આગામી IPO ને લઈને ગ્રે માર્કેટમાં ભારે ઉત્સાહ જોવા મળી રહ્યો છે. ૧૯ ઓક્ટોબરના રોજ Jio IPO નો GMP (Grey Market Premium) ₹૨૫૦ ની ઓલ-ટાઈમ હાઈ સપાટી પર પહોંચી ગયો હતો. ઉલ્લેખનીય છે કે, ૩ ઓક્ટોબરના રોજ તેનો સૌથી ઓછો GMP ₹૧૨૫ નોંધાયો હતો, જે દર્શાવે છે કે રોકાણકારોમાં આ ઈશ્યુને લઈને ક્રેઝ સતત વધી રહ્યો છે.
માં દેશ-વિદેશના દિગ્ગજોનું રોકાણ
જિયો પ્લેટફોર્મ્સે એન્કર રોકાણકારો (Anchor Investors) માટે ₹૮,૧૧૦ કરોડની એન્કર બુક સાઈઝ નક્કી કરી હતી. પરંતુ ગ્લોબલ અને સ્થાનિક રોકાણકારો તરફથી આ નિર્ધારિત રકમ કરતાં ૩૦ ગણી વધુ બોલીઓ પ્રાપ્ત થઈ છે. વૈશ્વિક રોકાણકારો: બ્લેકરોક (BlackRock), ફિડેલિટી, જેપીમોર્ગન એસેટ મેનેજમેન્ટ, ફ્રેન્કલિન ટેમ્પલટન અને કેપિટલ ગ્રુપ જેવા વિશ્વના મોટા એસેટ મેનેજર્સ તેમજ સિંગાપોર (GIC), અબુ ધાબી અને કતારના સોવરિન વેલ્થ ફંડ્સે પણ ભારે રસ દાખવ્યો છે.
સ્થાનિક રોકાણકારો: ભારતના ટોચના ૧૦ મ્યુચ્યુઅલ ફંડ્સ (SBI, ICICI પ્રુડેન્શિયલ, HDFC, કોટક, નિપ્પોન ઇન્ડિયા વગેરે) ઉપરાંત LIC, HDFC લાઇફ અને SBI લાઇફ જેવી મોટી વીમા કંપનીઓએ મોટું રોકાણ કર્યું છે.
IPO ની મહત્વપૂર્ણ વિગતો અને તારીખો
રિલાયન્સના ચેરમેન મુકેશ અંબાણી દ્વારા ૨૦૨૫ ની AGM માં જાહેર કરાયેલ આ IPO ૨૧ ઓક્ટોબરે સબસ્ક્રિપ્શન માટે ખુલશે અને ૨૩ ઓક્ટોબરે બંધ થશે.
શેરની વિગત: કંપની ₹૧૦ ની ફેસ વેલ્યુ ધરાવતા ૨૭ કરોડ (૨૭૦ મિલિયન) ઇક્વિટી શેર ઓફર કરી રહી છે.
કર્મચારી અનામત: પાત્ર કર્મચારીઓ માટે ₹૫૦૦ કરોડના શેર અનામત રાખવામાં આવ્યા છે.
શેરધારક ક્વોટા: રિલાયન્સ ઇન્ડસ્ટ્રીઝ (RIL) ના હયાત પાત્ર શેરધારકો માટે ₹૨,૫૦૦ કરોડના શેર અનામત રખાયા છે.
ડિજિટલ માર્કેટમાં જિયો પ્લેટફોર્મ્સનું વર્ચસ્વ
જિયો પ્લેટફોર્મ્સ એ રિલાયન્સના ટેલિકોમ અને ડિજિટલ બિઝનેસનું સંચાલન કરતી મુખ્ય કંપની છે. ૫૦૦ મિલિયન (૫૦ કરોડ) થી વધુ સબ્સ્ક્રાઇબર્સ ધરાવતી ‘રિલાયન્સ જિયો ઇન્ફોકોમ’ આ છત્ર હેઠળ આવે છે, જે કંપનીની કુલ આવકમાં આશરે ૯૦% હિસ્સો આપે છે. આઈપીઓ દ્વારા ભંડોળ એકત્ર કર્યા બાદ કંપની હવે પોતાના ટેલિકોમ નેટવર્ક વિસ્તરણ સાથે આર્ટિફિશિયલ ઇન્ટેલિજન્સ (AI), ક્લાઉડ સર્વિસિસ અને એન્ટરપ્રાઇઝ ટેકનોલોજી સેક્ટરમાં ઝડપી વૃદ્ધિ પર ધ્યાન કેન્દ્રિત કરશે.
આ પણ વાંચો : Ahmedabad News: શહેરમાં 10 દિવસમાં લોકોએ 2 કરોડની કિંમત સુધીની લક્ઝુરિયસ કાર ખરીદી, જાણો ટુવ્હીલર કેટલા વેચાયા?