દિલ્હીમાં Students’ Federation of India (SFI)ના સભ્યોએ નેશનલ ટેસ્ટિંગ એજન્સી (NTA) સામે વિરોધ પ્રદર્શન કર્યું. NEET-UG 2026ના પેપર લીકને લઈને થયેલા તાજેતરના વિરોધ અને UGC-NET જૂન 2026ની પરીક્ષામાં સામે આવેલી ખામીઓ બાદ વિદ્યાર્થીઓમાં રોષ જોવા મળી રહ્યો છે.

વિરોધ કરી રહેલા વિદ્યાર્થીઓએ પરીક્ષા વ્યવસ્થામાં પારદર્શિતા અને વિશ્વસનીયતા જાળવવાની માગ કરી હતી. ખાસ કરીને UGC-NET જૂન 2026ની English, Commerce અને Sociology વિષયોની પરીક્ષામાં કથિત ભૂલો સામે આવ્યા બાદ NTAની કામગીરી પર સવાલો ઉઠાવવામાં આવી રહ્યા છે.

વિદ્યાર્થીઓને થાય છે સીધી અસર

વિદ્યાર્થી સંગઠનનું કહેવું છે કે રાષ્ટ્રીય સ્તરની સ્પર્ધાત્મક પરીક્ષાઓ લાખો વિદ્યાર્થીઓના ભવિષ્ય સાથે જોડાયેલી હોય છે. આવી પરીક્ષાઓમાં પેપર લીક, પ્રશ્નપત્રમાં ભૂલ અથવા અન્ય પ્રકારની અનિયમિતતા સામે આવે તો વિદ્યાર્થીઓને સીધી અસર થાય છે. તેથી પરીક્ષા પ્રક્રિયાને વધુ સુરક્ષિત, પારદર્શક અને જવાબદાર બનાવવાની જરૂર છે.

પરીક્ષા વ્યવસ્થામાં સુધારા કરવાની માગ

દિલ્હીમાં થયેલા પ્રદર્શનમાં વિદ્યાર્થીઓએ NTA પાસેથી જવાબદારી નક્કી કરવા અને પરીક્ષા વ્યવસ્થામાં સુધારા કરવાની માગ કરી. પ્રદર્શન દરમિયાન વિદ્યાર્થીઓએ પરીક્ષાઓમાં ગેરરીતિઓ રોકવા માટે કડક વ્યવસ્થા ઊભી કરવાની પણ અપીલ કરી. NEET-UG અને UGC-NET જેવી પરીક્ષાઓમાં મોટી સંખ્યામાં ઉમેદવારો ભાગ લે છે. પરિણામે કોઈપણ પ્રકારની ખામી કે વિવાદથી વિદ્યાર્થીઓમાં અનિશ્ચિતતા અને અસંતોષ વધે છે. હાલ SFIના આ વિરોધને કારણે ફરી એકવાર NTAની પરીક્ષા વ્યવસ્થા અને તેની કામગીરી ચર્ચાના કેન્દ્રમાં આવી છે.

આ પણ વાંચો : New BJP Team: નવી ટીમની પસંદગીમાં પીએમ મોદી અને રાજનાથ સિંહની મહત્ત્વપૂર્ણ ભૂમિકા