PM નરેન્દ્ર મોદીએ નેતૃત્વના ક્ષેત્રમાં પોતાની 25 વર્ષની સફરના અવસરે કેપ્ટન સ્મિત મચ્છર દ્વારા દર્શાવવામાં આવેલા અદમ્ય સાહસ અને સૂઝબૂઝને યાદ કર્યા. પીએમ મોદીએ કહ્યું, “આજે ભારતીય પાઇલટ્સની ચર્ચા થઈ રહી છે; એક દિવસ એવો આવશે જ્યારે દુનિયા ‘મેડ ઇન ઇન્ડિયા’ વિમાનો વિશે વાત કરશે.”

આજે પાયલટની ચર્ચા થઇ રહી છે..એક દિવસ એવો આવશે કે..

PMએ નોંધ્યું કે છેલ્લા 25 વર્ષની સફર રાષ્ટ્રસેવા, મહત્વાકાંક્ષી સંકલ્પો અને સતત પ્રગતિથી ચિહ્નિત રહી છે. આ સમયગાળા દરમિયાન, ભારતને વિકસિત રાષ્ટ્ર બનાવવાનો સંકલ્પ અને ‘આત્મનિર્ભર ભારત’ પ્રત્યેની પ્રતિબદ્ધતા પણ વધુ મજબૂત બની છે.

વડાપ્રધાને અગાઉ પણ અનેક પ્રસંગોએ કેપ્ટન સ્મિત મચ્છરની બહાદુરીના વખાણ કર્યા છે. ફ્લાયદુબઈની ફ્લાઇટમાં કો-પાઇલટ તરીકે ફરજ બજાવતી વખતે જીવલેણ હુમલામાં ગંભીર રીતે ઘાયલ હોવા છતાં, સ્મિતે અદભૂત સૂઝબૂઝ દાખવી અને કોકપિટનો દરવાજો ખોલવામાં સફળતા મેળવી. તેમના પ્રયાસોને કારણે મુસાફરો અને અન્ય ક્રૂ સભ્યો કોકપિટમાં પ્રવેશ કરી શક્યા અને અંતે વિમાનમાં સવાર 174 મુસાફરોના જીવ બચી શક્યા.

<a href="

=” target=”_blank”>

=

પીએમએ કહ્યું કે સમગ્ર દેશને સ્મિત પર ગર્વ છે

વડાપ્રધાન મોદીએ સોશિયલ મીડિયા પ્લેટફોર્મ ‘X’ પર પણ કેપ્ટન સ્મિતને હીરો ગણાવ્યા હતા અને કહ્યું હતું કે સમગ્ર ભારતને તેમના અદમ્ય સાહસ અને બહાદુરી પર ગર્વ છે.ત્યારબાદ, 2 ઓક્ટોબરના રોજ  ગાંધી જયંતિના દિવસે  પીએમ મોદીએ અબુ ધાબીની હોસ્પિટલમાં સારવાર લઈ રહેલા કેપ્ટન સ્મિત સાથે લગભગ નવ મિનિટ સુધી વીડિયો કોલ દ્વારા વાતચીત કરી હતી. તેમણે સ્મિતની તબિયત વિશે પૂછપરછ કરી અને તેમના ઝડપથી સાજા થવાની કામના કરી. વાતચીત દરમિયાન, પીએમ મોદીએ તેમને ખાતરી આપી કે સમગ્ર દેશ તેમના માટે પ્રાર્થના કરી રહ્યો છે.

પીએમએ કહ્યું કે ગંભીર ઈજાઓ અને જીવન-મરણના સંઘર્ષ વચ્ચે પણ સ્મિતે મુસાફરોના જીવ બચાવ્યા અને દેશના 140 કરોડ નાગરિકોનું ગૌરવ વધાર્યું. તેમણે ભારપૂર્વક કહ્યું કે ભારતના લોકો જીવ લેવા માટે નહીં, પરંતુ જીવ બચાવવા માટે જાણીતા છે. ગાંધી જયંતિનો ઉલ્લેખ કરતા પીએમએ એમ પણ નોંધ્યું કે સ્મિતે પોતાના કાર્યો દ્વારા વિશ્વને અહિંસાનો સાચો અર્થ સમજાવ્યો છે. 

સ્મિતના પરિવાર દ્વારા આપવામાં આવેલા સંસ્કારોના વખાણ કર્યા

વીડિયો કોલ દરમિયાન, વડાપ્રધાને કેપ્ટન સ્મિતના માતા ગીતાબેન અને પિતા ભૂપેન્દ્રભાઈ સાથે પણ વાતચીત કરી હતી. ગીતાબેન દ્વારા આપવામાં આવેલા સંસ્કારોની પ્રશંસા કરતા તેમણે કહ્યું કે, તેમણે “ગીતાના ઉપદેશોને આત્મસાત કર્યા છે અને પોતાના પુત્રમાં આ વીરતાપૂર્ણ સંસ્કારોનું સિંચન કર્યું છે.”

વડાપ્રધાને એ વાતનો પણ ઉલ્લેખ કર્યો કે કેવી રીતે સ્મિતે સંકટના સમયે હનુમાન ચાલીસાનો પાઠ કર્યો હતો. તેમણે કહ્યું કે દેશની પ્રાર્થનાઓ અને સ્મિતના સાહસે આ ઘટનાને એક એવા ઉદાહરણમાં ફેરવી દીધી છે, જેની ચર્ચા માત્ર ભારતમાં જ નહીં પરંતુ સમગ્ર વિશ્વમાં થઈ રહી છે.

આ પણ વાંચો: RBI Repo Rate: લોન લેનારાઓને ઝટકો… RBIએ 0.25 ટકાનો રેપોરેટમાં કર્યો વધારો