દક્ષિણ આફ્રિકા અને ઓસ્ટ્રેલિયા વચ્ચે રમાયેલી રોમાંચક ટેસ્ટ સિરીઝની બીજી મેચમાં આફ્રિકન ટીમે શાનદાર પ્રદર્શન કરતા ઓસ્ટ્રેલિયાને ઇનિંગ અને 31 રનથી ધૂળ ચટાડી છે. વરસાદથી પ્રભાવિત આ મુકાબલામાં પ્રથમ બેટિંગ કરતી વખતે દક્ષિણ આફ્રિકાની ટીમ શરૂઆતમાં મુશ્કેલીમાં મુકાઈ હતી, પરંતુ કેપ્ટન તેમ્બા બાવુમાની ઐતિહાસિક અને શાનદાર 179 રનની કપ્તાની ઇનિંગના દમ પર આફ્રિકાએ 9 વિકેટે 425 રન બનાવીને પોતાની પહેલી ઇનિંગ જાહેર કરી હતી.

ઓસ્ટ્રેલિયાની ટીમ પહેલી ઇનિંગમાં માત્ર 99 રનમાં સમેટાઈ

આફ્રિકાના વિશાળ સ્કોરના જવાબમાં મેદાને પડેલી ઓસ્ટ્રેલિયન ટીમ આફ્રિકન બોલરો સામે ટકી શકી નહોતી અને માત્ર 99 રનમાં જ ઓલઆઉ થઈ ગઈ હતી. પહેલી ઇનિંગમાં મોટો સ્કોર ન બનવાના કારણે દક્ષિણ આફ્રિકાએ ઓસ્ટ્રેલિયાને ફોલોઓન આપવાનો નિર્ણય કર્યો હતો. ટેસ્ટ ક્રિકેટના ઇતિહાસમાં 56 વર્ષ (1970 પછી) બાદ એવું બન્યું છે જ્યારે દક્ષિણ આફ્રિકાએ ઓસ્ટ્રેલિયાને ફોલોઓન આપ્યા બાદ કોઈ ટેસ્ટ મેચ જીતી હોય. અગાઉ 1970માં ડરબન ખાતે આફ્રિકાએ આ કારનામું કર્યું હતું.

ટ્રેવિસ હેડની લડત છતાં ઓસ્ટ્રેલિયાની હાર

ફોલોઓન મળ્યા બાદ ઓસ્ટ્રેલિયાની બીજી ઇનિંગમાં ટ્રેવિસ હેડે શાનદાર શતક ફટકારીને ટીમને સંભાળવાનો પ્રયાસ કર્યો હતો, પરંતુ આફ્રિકન બોલરો સામે ઓસ્ટ્રેલિયન ટીમ બીજી ઇનિંગમાં 295 રન જ બનાવી શકી હતી. રબાડા અને અન્ય બોલરોની ઘાતક બોલિંગના કારણે ઓસ્ટ્રેલિયાની ટીમ ઇનિંગની હારથી બચી શકી નહીં. આ શાનદાર જીત સાથે દક્ષિણ આફ્રિકાએ સિરીઝમાં 1-1 ની રોમાંચક બરાબરી કરી લીધી છે. કેપ્ટન તેમ્બા બાવુમાને તેમની અદભુત બેટિંગ માટે ‘પ્લેયર ઓફ ધ મેચ’ જાહેર કરવામાં આવ્યા હતા.

આ પણ વાંચો: T20 ક્રિકેટમાં નવો સિક્સર કિંગ! અભિષેક શર્માએ રોહિત શર્માનો વર્લ્ડ રેકોર્ડ તોડ્યો