ગીર સોમનાથ (Gir Somnath) જિલ્લામાં આવેલા વિશ્વ પ્રસિદ્ધ અને સનાતન આસ્થાના કેન્દ્રસમા પ્રથમ જ્યોતિર્લિંગ શ્રી સોમનાથ મહાદેવ (Somnath Mahadev) ના મંદિરે અદાણી એન્ટરપ્રાઇઝિસના ડિરેક્ટર પ્રણવ અદાણી (Pranav Adani) સપરિવાર ઉપસ્થિત રહ્યા હતા. ભગવાન શિવ પ્રત્યે અગાધ શ્રદ્ધા ધરાવતા પ્રણવ અદાણીએ પોતાની ધર્મપત્ની નમ્રતાબેન અદાણી (Namrataben Adani) સાથે સોમનાથ મંદિરે પહોંચીને સોમનાથ મહાદેવના અલૌકિક અને દિવ્ય દર્શનનો લહાવો લીધો હતો.

શાસ્ત્રોક્ત વિધિથી સોમેશ્વર મહાપૂજા અને ધ્વજા પૂજન

દર્શન અને પૂજન વિધિ દરમિયાન પ્રણવ અદાણીએ વિધિવત રીતે મહાદેવને જલાભિષેક (Jalabhishek) કર્યો હતો. મંદિરના પૂજારીઓ દ્વારા કરાયેલા મંત્રોચ્ચાર વચ્ચે સજોડે શાસ્ત્રોક્ત વિધિથી શ્રીસોમેશ્વર મહાપૂજા તેમજ ધ્વજા પૂજન (Dhwaja Pujan) સંપન્ન કરવામાં આવ્યું હતું. આ પવિત્ર અવસરે સોમનાથ મહાદેવને ભક્તિભાવપૂર્વક ભવ્ય અન્નકૂટ મનોરથ (Annakut Manorath) પણ અર્પણ કરવામાં આવ્યો હતો, જેનાથી સમગ્ર વાતાવરણ ભક્તિમય બની ગયું હતું.

ઐતિહાસિક બાણ સ્તંભની મુલાકાત લઈ સનાતન જ્ઞાનની પ્રશંસા

આ આધ્યાત્મિક મુલાકાત દરમિયાન સોમનાથ ટ્રસ્ટ (Somnath Trust) ના જનરલ મેનેજર (GM) વિજયસિંહ ચાવડા દ્વારા પ્રણવ અદાણી અને તેમના પરિવારને વિશેષ સ્મૃતિચિત્ર તેમજ મહાદેવનો પ્રસાદ અર્પણ કરીને આદરપૂર્વક સન્માન કરવામાં આવ્યું હતું. પૂજા-અર્ચના બાદ પ્રણવ અદાણીએ મંદિર પરિસર ખાતે આવેલા અતિ ઐતિહાસિક અને વૈજ્ઞાનિક મહત્વ ધરાવતા બાણ સ્તંભ (Baan Stambh) ની મુલાકાત લીધી હતી. આ દરમિયાન તેમણે સનાતન સંસ્કૃતિના પ્રાચીન ભૌગોલિક અને ખગોલીય જ્ઞાનની મુક્તકંઠે પ્રશંસા કરી હતી.

આ પણ વાંચો : Ahmedabad News : હેમેટોકોન 2026નું ભવ્ય આયોજન, CM ભૂપેન્દ્ર પટેલના હસ્તે હેમેટોલોજીના રાષ્ટ્રીય સંમેલનનો પ્રારંભ