શુક્રવારે મજબૂત શરૂઆત બાદ, ભારતીય શેરબજારમાં ભારે વેચવાલી જોવા મળી રહી છે. સેન્સેક્સ અને નિફ્ટી બંને અગાઉના સત્રની સરખામણીમાં નીચે સરક્યા છે, જે સતત ચોથા દિવસે બજારમાં ઘટાડો દર્શાવે છે. મિડકેપ અને સ્મોલકેપ શેરોમાં નોંધપાત્ર વેચવાલી જોવા મળી રહી છે; નિફ્ટી મિડકેપ 100  (Nifty Midcap 100) 2.9% અને નિફ્ટી સ્મોલકેપ 100  (Nifty Smallcap 100) 3.5% નીચે છે. મુખ્ય ક્ષેત્રોમાં, નિફ્ટી આઈટી (Nifty IT) સૌથી સારું પ્રદર્શન કરી રહ્યું છે, જ્યારે નિફ્ટી મેટલ (Nifty Metal) સૌથી વધુ દબાણ હેઠળ છે.

શેરબજાર લાલ નિશાને બંધ 

બપોરે 3.30 કલાકે સેન્સેક્સ અને નિફ્ટી બંને લીલા નિશાને બંધ થયો. સેન્સેક્સ અને નિફ્ટી બંનેમાં ઘટાડો થયો. સેન્સેક્સ 125.56 પોઇન્ટના ઘટાડા સાથે  73,123.83 અંકે ખૂલ્યો જ્યારે નિફ્ટી −87.65 પોઇન્ટના ઘટાડા સાથે 22,600.00 અંકે ખૂલ્યો.  BSE પર 797 શેરોમાં વધારો જોવા મળ્યો, જ્યારે 3,275 શેરો ઘટાડા સાથે બંધ થયા. આ ઉપરાંત, 114 શેરોમાં કોઈ ફેરફાર જોવા મળ્યો નહીં.

નિફ્ટી (Nifty) માં શ્રીરામ ફાઇનાન્સ, અદાણી પોર્ટ્સ, અદાણી એન્ટરપ્રાઇઝિસ, ટાટા સ્ટીલ અને જિયો ફાઇનાન્શિયલ સૌથી વધુ ઘટનારા શેરોમાં સામેલ હતા. આ ઉપરાંત, આઈશર મોટર્સ, એપોલો હોસ્પિટલ્સ, ઇન્ફોસિસ, TCS અને મારુતિ સુઝુકી પણ ઘટાડા સાથે બંધ થયા.

Jio Platforms IPO લગભગ 11 ગણો સબસ્ક્રાઇબ થયો

સ્ટોક માર્કેટ લાઈવ: Jio Platforms IPO અત્યાર સુધીમાં લગભગ 11 ગણો સબસ્ક્રાઇબ થયો છે. 197.5 મિલિયન (19.75 કરોડ) શેરની ઓફર સામે 2.1 અબજ (210 કરોડ) શેર માટે બિડ્સ (અરજીઓ) મળી છે. ક્વોલિફાઇડ ઇન્સ્ટિટ્યૂશનલ બાયર્સ (QIBs) માટે અનામત રાખવામાં આવેલો હિસ્સો 26.52 ગણો, નોન-ઇન્સ્ટિટ્યૂશનલ ઇન્વેસ્ટર્સ (NII) માટેનો હિસ્સો 12.24 ગણો અને રિટેલ રોકાણકારો માટેનો હિસ્સો 2.31 ગણો સબસ્ક્રાઇબ થયો છે.

આ પણ વાંચો: Sanwaliya Seth: 23 કરોડ રોકડ, 92 કિલો સોનું ચાંદી અને..સાંવરિયા શેઠ મંદિરનો ખૂલ્યો ભંડાર