આજે સેન્સેક્સ અને નિફ્ટીમાં ભારે ઘટાડો જોવા મળી રહ્યો છે. બપોરે 2:30 વાગ્યે, 30-શેર ધરાવતો સેન્સેક્સ 1.57% અથવા 1,161.95 પોઈન્ટના ઘટાડા સાથે 72,733.84 પર ટ્રેડ કરી રહ્યો હતો. તે જ સમયે, નિફ્ટી 1.45% અથવા 336.70 પોઈન્ટ ઘટીને 22,803 પર ટ્રેડ કરી રહ્યો હતો. સ્થાનિક બજારમાં ભારે વેચવાલી જોવા મળી રહી છે.
ભારતીય શેરબજારમાં કડાકો
ત્યારે બપોરે 3.30 કલાકે સેન્સેક્સ અને નિફ્ટી બંને 1,124.02 પોઇન્ટના ઘટાડા સાથે 72,771.72 અંકે બંધ થયો. જ્યારે નિફ્ટી 360.25 પોઇન્ટના ઘટાડા સાથે 22,780.25 અંકે બંધ થયો.
સૌથી વધારે કયા શેર્સ ઘટ્યા ?
સેન્સેક્સના તમામ 30 શેરો ઘટાડા સાથે (લાલ નિશાનમાં) ટ્રેડ થઈ રહ્યા છે. અદાણી પોર્ટ્સ સૌથી વધુ 2.29% તૂટ્યો છે. L&Tમાં 2.21%, BELમાં 2.07% અને HDFC બેંકમાં લગભગ 2%નો ઘટાડો થયો છે. હાલમાં સેન્સેક્સ 945 પોઈન્ટ ઘટીને 72,949 પર છે; એક તબક્કે તે 1,000 પોઈન્ટથી વધુ તૂટીને 72,832ના સ્તર સુધી પહોંચ્યો હતો.
માત્ર સેન્સેક્સ અને નિફ્ટી જ નહીં, પરંતુ સ્મોલ-કેપ અને મિડ-કેપ શેરોમાં પણ મોટો ઘટાડો થયો છે. નિફ્ટી મિડકેપ ઈન્ડેક્સ 1.51% અને સ્મોલકેપ ઈન્ડેક્સ 1.48% ઘટ્યો છે. સેક્ટોરલ ઈન્ડેક્સની વાત કરીએ તો, બેંક નિફ્ટી 1.86%, ફાઈનાન્શિયલ સર્વિસીસ 1.60%, ઓટો 1.47%, FMCG 1.34%, નિફ્ટી IT 1.06%, મીડિયા 0.30% અને મેટલ 1.27% ઘટ્યા છે. ફાર્મા ઈન્ડેક્સમાં 0.60%, PSU બેંકમાં 2.37%, પ્રાઈવેટ બેંકમાં 1.63%, રિયલ્ટીમાં 1.87%, ઓઈલ એન્ડ ગેસમાં 1.19%, નિફ્ટી સિમેન્ટમાં 1.43% અને નિફ્ટી કેમિકલ્સમાં 1.36%નો ઘટાડો થયો છે.
સેન્સેક્સની 30માંથી 29 કંપનીઓના શેરમાં ઘટાડો જોવા મળ્યો છે; માત્ર ઇન્ફોસિસના શેરમાં જ વધારો નોંધાયો છે. આજે L&T, પાવરગ્રીડ, અદાણી પોર્ટ્સ, HDFC બેંક, હિન્દુસ્તાન યુનિલિવર અને SBIના શેરમાં 2 ટકાનો ઘટાડો થયો હતો. બજાજ ફાઇનાન્સ, TCS, ટાઇટન અને ઇન્ડિગોના શેરમાં પણ મોટો ઘટાડો જોવા મળ્યો હતો.
શેર માર્કેટમાં ઘટાડાનું કારણ શું ?
ચોઈસ બ્રોકિંગના રિસર્ચ વિભાગના વાઈસ પ્રેસિડેન્ટ સચિન ગુપ્તાએ જણાવ્યું હતું કે ક્રૂડ ઓઈલના વધતા ભાવ બજાર માટે મુખ્ય ચિંતાના વિષયોમાંના એક છે. આ ઉપરાંત, યુએસ બોન્ડ યીલ્ડમાં થતો વધારો પણ એક નકારાત્મક પરિબળ છે; બોન્ડ પર મળતું ઊંચું વળતર વિદેશી રોકાણકારોને ઉભરતા બજારોમાંથી નાણાં પાછા ખેંચવા અને યુએસ રોકાણના વિકલ્પો તરફ વળવા માટે પ્રેરી શકે છે.
તેમણે નોંધ્યું હતું કે વિદેશી સંસ્થાકીય રોકાણકારો દ્વારા સતત કરવામાં આવી રહેલી વેચવાલી બજાર પર દબાણ લાવી રહી છે. વધુમાં, પશ્ચિમ એશિયામાં ચાલી રહેલા તણાવને કારણે રોકાણકારો સાવચેતીભર્યું વલણ અપનાવી રહ્યા છે.