સુરત ગ્રાહક કોર્ટે વાહન અકસ્માત ક્લેઇમને લઈને એક અત્યંત મહત્વપૂર્ણ અને ઐતિહાસિક ચુકાદો સંભળાવ્યો છે. સામાન્ય રીતે અકસ્માતના કિસ્સામાં જો મૃતક વાહન ચાલક સામે જ પોલીસ ગુનો દાખલ થાય તો વીમા કંપનીઓ ક્લેઇમ ચૂકવવાનો ઇનકાર કરતી હોય છે. પરંતુ સુરત ગ્રાહક પંચે સ્પષ્ટ કાયદાકીય વલણ અપનાવતાં ઠરાવ્યું છે કે મૃતક સામે ગુનો નોંધાયેલો હોય તો પણ વીમા કંપની પોતાની જવાબદારીમાંથી છટકી શકે નહીં અને પરિવારને વીમાની રકમ ચૂકવવા માટે તે સંપૂર્ણપણે જવાબદાર છે.

પીડિત વિધવા અને માસૂમ સંતાનોને મોટી આર્થિક રાહત

આ ક્રાંતિકારી ચુકાદાથી અકસ્માતમાં પોતાના કમાનાર સ્વજનને ગુમાવનાર વિધવા અને માસૂમ સંતાનોને ખૂબ મોટી આર્થિક રાહત મળી છે. અકસ્માતની કરુણ ઘટના બાદ પરિવાર પર એકતરફ દુઃખનો પહાડ તૂટી પડતો હોય છે અને બીજી તરફ વીમા કંપનીઓ ટેકનિકલ કારણો આગળ ધરીને ક્લેઇમ ફગાવી દેતી હોય છે. ગ્રાહક કોર્ટના આ આદેશથી નિરાધાર બનેલા પરિવારને ન્યાયની સાથે આર્થિક સમર્થન પણ પ્રાપ્ત થયું છે.

વીમા કંપનીને રૂ.12.50 લાખનો વીમો ચૂકવવા કોર્ટનો કડક આદેશ

સુરત ગ્રાહક કોર્ટે કેસની તમામ વિગતો અને પુરાવાઓની ગંભીરતાપૂર્વક સુનાવણી કર્યા બાદ વીમા કંપનીની દલીલોને ફગાવી દીધી હતી. કોર્ટે વીમા કંપનીને આદેશ આપ્યો છે કે અરજદાર પરિવારને રૂ. 12.50 લાખની પૂરેપૂરી વીમા રકમ ચૂકવવામાં આવે. ગ્રાહક કોર્ટના આ ઐતિહાસિક નિર્ણયથી ભવિષ્યમાં આવા અનેક અકસ્માત ક્લેઇમ કેસોમાં પીડિત પરિવારો માટે ન્યાય મેળવવાનો માર્ગ સરળ બનશે.

આ પણ વાંચો : Surat સ્મીમેર હોસ્પિટલમાં મનપાની લાલ આંખ, 19 લેટલતીફ ડોક્ટરો સામે મોટી કાર્યવાહી, કારણ દર્શક નોટિસ જાહેર