સુરત શહેરમાં અસામાજિક તત્વો અને નશાના કારોબાર વિરુદ્ધ સુરત પોલીસે કડક વલણ અપનાવ્યું છે. તાજેતરમાં સુરતના સંવેદનશીલ ગણાતા સચિન GIDC વિસ્તારમાંથી પોલીસે દરોડા પાડીને ગાંજાના ગેરકાયદેસર જથ્થા સાથે એક મહિલા સહિત બે ઇસમોને ઝડપી પાડવામાં મોટી સફળતા મેળવી છે. પોલીસની આ અચાનક ડ્રાઇવથી નશાનો વેપાર કરતા તત્વોમાં ફફડાટ ફેલાઈ ગયો છે.

સંજુબેન સ્વાઇન અને અંકિત મિશ્રા ઝડપાયા, 6.870 કિલો ગાંજો જપ્ત

સુરતની સચિન GIDC પોલીસ સ્ટેશનની ટીમે બાતમીના આધારે કાર્યવાહી કરી સંજુબેન સ્વાઇન અને અંકિત મિશ્રા નામના બે આરોપીઓને રંગેહાથ પકડી લીધા છે. પોલીસ તપાસ દરમિયાન આરોપીઓ પાસેથી કુલ 6.870 કિલોગ્રામ શંકાસ્પદ ગાંજાનો જથ્થો મળી આવ્યો હતો. જપ્ત કરવામાં આવેલા આ પ્રતિબંધિત નશાકારક પદાર્થની બજાર કિંમત આશરે રૂપિયા 3,43,000 જેટલી થવા જાય છે. પોલીસે મુદ્દામાલ જપ્ત કરી વધુ પૂછપરછ શરૂ કરી છે.

NDPS એક્ટ હેઠળ ગુનો નોંધીને સઘન તપાસ શરૂ

પકડાયેલા બંને આરોપીઓ વિરુદ્ધ સચિન GIDC પોલીસ સ્ટેશનમાં NDPS (Narcotic Drugs and Psychotropic Substances) એક્ટના કડક નિયમો હેઠળ ગુનો દાખલ કરવામાં આવ્યો છે. આ ગાંજાનો જથ્થો ક્યાંથી લાવ્યા હતા, અને સુરતમાં કોને પહોંચાડવાનો હતો તે દિશામાં પોલીસે તપાસના ચક્રો ગતિમાન કર્યા છે. આ નેટવર્ક પાછળ અન્ય કોણ સંડોવાયેલું છે, તેની ઊંડાણપૂર્વકની તપાસ હાથ ધરવામાં આવી છે.

આ પણ વાંચો: PM મોદીની અધ્યક્ષતામાં બેઠકમાં મોટો નિર્ણય, PF ફરજિયાત કવરેજની સીમા રૂ.15,000 થી વધારી રૂ25,000 કરાઈ