વડોદરાવાસીઓ માટે હવાઈ મુસાફરીના ક્ષેત્રે એક નવો અધ્યાય શરૂ થયો છે. વડોદરાથી મુન્દ્રા વચ્ચેની નવી એર ટેક્સી સેવાનો શુભારંભ રક્ષાબંધનના પવિત્ર તહેવારના દિવસથી કરવામાં આવ્યો છે. પ્રથમ દિવસે વડોદરાથી મુન્દ્રા માટેની પહેલી ટેક-ઓફ ફ્લાઇટમાં 3 મુસાફરોએ મુસાફરી કરીને આ નવીન સેવાનો આનંદ માણ્યો હતો.

સપ્તાહમાં 3 દિવસ મળશે એર ટેક્સીની સુવિધા

મુન્દ્રા તરફ જતા વેપારીઓ અને મુસાફરોની સુવિધાને ધ્યાનમાં રાખીને આ સેવા શરુ કરવામાં આવી છે. આ એર ટેક્સી સેવા અઠવાડિયામાં 3 દિવસ ઓપરેટ કરવામાં આવશે. નિયમિત શિડ્યુલ મુજબ દોડનારી આ ફ્લાઇટને કારણે બંને શહેરો વચ્ચેનું અંતર કાપવું હવે અત્યંત સરળ અને આરામદાયક બની જશે.

50 મિનિટમાં વડોદરાથી મુન્દ્રા પહોંચાશે

સામાન્ય રીતે વડોદરાથી મુન્દ્રા જમીન માર્ગે જતાં કલાકોનો સમય લાગે છે, પરંતુ આ એર ટેક્સી સેવા શરૂ થવાથી હવે માત્ર 50 મિનિટના ટૂંકા સમયમાં જ વડોદરાથી મુન્દ્રા પહોંચી શકાશે. આ ઝડપી સેવાથી સમયની મોટી બચત થશે અને વ્યાપારિક તેમજ વ્યક્તિગત મુસાફરી વધુ ઝડપી બનશે.

ગુજરાતના વધુ સમાચાર વાંચવા માટે ક્લિક કરો