Truck Fire Near Pardi: અમદાવાદથી મુંબઈ જઈ રહેલા એક માલવાહક કન્ટેઇનરમાં પારડીના ટુકવાડા હાઈવે પર અચાનક આગ ફાટી નીકળતા અફરાતફરીનો માહોલ સર્જાયો હતો. કન્ટેઇનર ટ્રકમાં સોસની બોટલો અને અન્ય ચીજવસ્તુઓ ભરેલી હતી, જે આગમાં લપેટાઈ ગઈ હતી. સદનસીબે, ચાલકે સમયસૂચકતા વાપરી નીચે ઉતરી જતાં તેનો આબાદ બચાવ થયો છે.
પ્રાપ્ત માહિતી અનુસાર, કન્ટેઇનર ટ્રક નંબર MH-48-CB-0080 અમદાવાદથી સોસના બોટલો ભરેલા કાર્ટૂન અને અન્ય માલસામાન લઈને મુંબઈ જવા રવાના થયું હતું. મંગળવાર સવારે જ્યારે કન્ટેઇનર ટ્રક પારડી નજીક ટુકવાડા હાઈવે પરથી પસાર થઈ રહ્યું હતું, ત્યારે અચાનક તેમાં ધુમાડા નીકળવા સાથે આગ લાગી હતી.