Liquor Smuggling in Ahmedabad: ગુજરાતમાં દારૂબંધીના કડક અમલ વચ્ચે બુટલેગરો દ્વારા અવનવી તરકીબો અજમાવી દારૂ ઘુસાડવાના પ્રયાસો કરવામાં આવતા હોય છે. ત્યારે અમદાવાદ શહેર પોલીસ કોન્સ્ટેબ્યુલરી બ્રાન્ચ (PCB)એ બાતમીના આધારે નારોલ પોલીસ સ્ટેશન વિસ્તારમાં એક મોટી કાર્યવાહી કરી છે. એસ.પી. રિંગ રોડ પર અસલાલી સર્કલ નજીક આવેલા સાઈનાથ પાર્કિંગ એન્ડ વોશિંગ નજીકથી પોલીસે કરોડોની કિંમતનો વિદેશી દારૂ ભરેલી ટ્રક ઝડપી પાડી છે. હેલ્મેટના જથ્થા નીચે છુપાવીને લાવવામાં આવતો આ દારૂનો જથ્થો પકડી પાડી પોલીસે કાયદેસરની તપાસ હાથ ધરી છે.