Ahmedabad News: અમદાવાદ શહેર પોલીસના લોકલ ક્રાઈમ બ્રાન્ચ (LCB) ઝોન-4એ ગુરુવારે નરોડા વિસ્તારમાં લક્ઝરી સ્પાની આડમાં ચાલતા ગેરકાયદે દેહ વ્યાપાર રેકેટનો પર્દાફાશ કર્યો, દરોડા પહેલા નકલી ગ્રાહકોને મોકલવામાં આવ્યા હતા, જે બાદ સાત મહિલાઓને દેહ વ્યાપારમાંથી બચાવી લેવામાં આવી હતી.
તમામ મહિલાઓ ગુજરાત બહારની
LCB ટીમને મળેલી ચોક્કસ બાતમીના આધારે આર્શીવાદ એવન્યુ પર નરોડા હરિદર્શન ચોકડી નજીક સ્થિત બ્લુ હેવન લક્ઝરી સ્પા અને લિટલ ક્લાઉડ લક્ઝરી સ્પામાં દરોડા પાડવામાં આવ્યા હતા. જ્યાં ગેરકાયદે દેહ પ્રવૃત્તિઓ ચલાવવામાં આવી રહી હતી. પોલીસે જણાવ્યું હતું કે મહિલાઓને ગુજરાતની બહારથી લાવવામાં આવી હતી અને દેહ વ્યાપાર માટે દબાણ કરવામાં આવ્યું હતું.