77th Republic Day: અમદાવાદ જિલ્લા તંત્ર દ્વારા મકરબા પોલીસ હેડક્વાર્ટર ખાતે 77મા પ્રજાસત્તાક પર્વની ઉજવણી માટે એક કાર્યક્રમનું આયોજન કરવામાં આવ્યું છે. જેમાં પોલીસ, હોમગાર્ડ, જીઆરડી અને સ્ટુડન્ટ પોલીસ કેડેટના પ્લાટુન દ્વારા પરેડ અને માર્ચ પાસ્ટ કરવામાં આવશે. આ વર્ષે પરેડમાં 14 ટેબલો રજૂ કરવામાં આવશે. જેમાં 10 ટેબલો સરકારના વિવિધ વિભાગોના હશે અને 4 વિશેષ ટેબલો પોલીસ વિભાગ દ્વારા તૈયાર કરવામાં આવ્યા છે. આ ટેબલોની આગળ બાળકોનું બેન્ડ આકર્ષણ જમાવશે. એટલું જ નહીં ડોગ અને અશ્વના કરતબો બતાવશે.