Satellite Burglary Case, Ahmedabad : અમદાવાદ શહેરના પોશ ગણાતા સેટેલાઈટ વિસ્તારમાં આવેલી માણેકબાગ સોસાયટીમાં થયેલી કરોડો રૂપિયાની ઘરફોડ ચોરીનો ભેદ ઉકેલવામાં અમદાવાદ ક્રાઈમ બ્રાન્ચને મોટી સફળતા મળી છે. પોલીસે આ ગુનામાં સંડોવાયેલા બે રીઢા તસ્કરોની ધરપકડ કરી તેમની પાસેથી રૂ.1.47 કરોડથી વધુની મત્તાનો મુદ્દામાલ રિકવર કર્યો છે. પકડાયેલા તસ્કરો પૈકી એક શખસ વિરુદ્ધ અગાઉ શહેરના વિવિધ પોલીસ મથકોમાં અનેક ગુના નોંધાયેલા છે.