Gold-Silver ETF Crash: અમેરિકન પ્રમુખ ડોનાલ્ડ ટ્રમ્પના એક નિવેદને વૈશ્વિક બજાર સહિત ભારતીય રોકાણકારોના શ્વાસ અદ્ધર કરી દીધા છે. છેલ્લા કેટલાક સમયથી સોના અને ચાંદીમાં ચાલી રહેલી રૅકોર્ડબ્રેક તેજી પર અચાનક બ્રેક લાગી છે. 22 જાન્યુઆરીના રોજ ગોલ્ડ અને સિલ્વર Exchange Traded Funds(ETF)માં 15થી 21 ટકા જેટલો મોટો કડાકો જોવા મળ્યો હતો.
આ ઘટાડા પાછળનું મુખ્ય કારણ ટ્રમ્પ દ્વારા યુરોપિયન દેશો પરના ટેરિફ અને ગ્રીનલૅન્ડ મુદ્દે લેવાયેલું નરમ વલણ છે. અગાઉ જ્યારે તણાવ વધુ હતો ત્યારે સુરક્ષિત રોકાણ ગણીને લોકો સોના-ચાંદીમાં નાણા રોકી રહ્યા હતા, પરંતુ જેવો આંતરરાષ્ટ્રીય જોખમનો ડર ઘટ્યો, રોકાણકારોએ પ્રોફિટ બુકિંગ શરુ કરી દીધું.