From Olympian to Drug Kingpin: $15 Million Bounty on Ryan Wedding | ઓલિમ્પિક જેવા વૈશ્વિક સ્તરના ખેલ મહાકુંભમાં હિસ્સો લઈ ચૂકેલો માણસ ડ્રગ્સની હેરાફેરી અને હત્યા જેવા ગુના આચરીને વોન્ટેડ બની ગયો, એમ કહીએ તો એ કોઈ ફિલ્મની વાર્તા જેવું લાગે, પણ ફિલ્મી નહીં, આ વાસ્તવમાં બનેલી ઘટના છે. કેનેડાના પૂર્વ ઓલિમ્પિક સ્નોબોર્ડર રાયન વેડિંગના જીવનમાં આવો નાટ્યાત્મક ઘટનાક્રમ સર્જાયો છે. રાયન પર આંતરરાષ્ટ્રીય સ્તરે માદક દ્રવ્યોની તસ્કરી અને હત્યા જેવા ગંભીર આરોપો લાગેલા છે. હાલમાં જ અમેરિકાએ રાયનની ધરપકડ કરાવવા બદલ આપવામાં આવતા ઈનામમાં નોંધપાત્ર વધારો કર્યો છે. ઓલિમ્પિકની ઝમકદાર દુનિયામાંથી ઉભરી આવેલો ખેલાડી મોસ્ટ વોન્ટૅડ ગુનેગાર કઈ રીતે બની ગયો એની કથા રસપ્રદ છે.