બાઈક રેલી અને પુષ્પવર્ષા દ્વારા આવકાર : જીમખાના ટેનિસ કોર્ટનું જેન્સી કાનાબાર નામકરણ, આજીવન સભ્યપદની ભેટ, વિજેતા ખેલાડી પોતાનું સન્માન નિહાળી ભાવુક
જૂનાગઢ : ઓસ્ટ્રેલિયન ઓપન ટેનિસ અંડર 14 માં વિજેતા થયેલી જૂનાગઢની ટેનીસ સ્ટાર આજે જૂનાગઢ પહોંચી હતી. વહીવટી તંત્ર અને સામાજિક સંસ્થાઓ દ્વારા પિતા- પુત્રીનું મજેવડી ગેટ પાસે સ્વાગત કરાયું હતું ત્યારબાદ ગાંધીગ્રામ સ્પોર્ટ્સ સંકુલ સુધી બાઈક રેલી યોજાઇ હતી. ત્યારબાદ સ્પોર્ટ્સ સંકુલ ખાતે જેન્સી કાનાબારનું અધિકારીઓ દ્વારા સન્માન કરાયું હતું. આગામી દિવસોમાં આઈટીએફમાં પ્રથમ 100 માં પસંદગી અને જુનિયર ફ્રેન્ચ ઓપનમાં શ્રેષ્ઠ પ્રદર્શન કરવાનો ગોલ દર્શાવ્યો હતો.