રાજ્યના પોલીસવડા વિકાસ સહાય દ્વારા ગુજરાતમાં છેલ્લા 30 વર્ષ દરમ્યાન રાષ્ટ્રવિરોધી પ્રવૃત્તિના 6 અલગ અલગ હેડમાં નોંધાયેલા ગુનાના આરોપીઓની યાદી બનાવી તેઓના ચેકિંગ વેરિફિકેશન કરી ડોઝિયર્સ ફોર્મ ભરવાની કામગીરી માટે સૂચના આપવામાં આવી છે ત્યારે પશ્ચિમ કચ્છ પોલીસ દ્વારા 800 આરોપીની યાદી બનાવી અત્યારસુધીમાં 554 ગુનેગાર ચેક કરી 335ના ડોઝીયર ભરવાની કામગીરી પૂર્ણ કરાઈ છે હજી પણ આ કામગીરી ચાલુમાં છે. ગુજરાત એટીએસ દ્વારા ગત 8 નવેમ્બરના રાષ્ટ્ર વિરોધી પ્રવૃતિ કરનાર 3 આરોપીઓ વિરૂધ્ધ કાયદેસરની કાર્યવાહી કરાઈ હતી ઉપરાંત 9 તારીખે ફરીદાબાદ ખાતે રાષ્ટ્ર વિરોધી પ્રવૃતિ કરનાર આરોપીઓને પકડવામાં આવ્યા હતા જ્યારે આ જ દિવસે દિલ્હી લાલ કિલ્લા પાસે બોમ્બ વિસ્ફોટ થયો હતો ઉપરોક્ત તમામ બાબતની ગંભીરતાને ધ્યાને ગુજરાત પોલીસ મહાનિદેશક અને મુખ્ય પોલીસ અધિકારી દ્વારા વિડીયો કોન્ફરન્સનું આયોજન કરી રાજ્યના તમામ જિલ્લા પોલીસ વડાઓને અગાઉ આપેલ સુચના મુજબ આરોપીઓની યાદી તૈયાર કરી કાર્યવાહી માટે સૂચના અપાઈ હતી. પશ્ચિમ કચ્છમાં છેલ્લા 30 વર્ષના જાણીતા હથિયાર ધારાના કેસોમાં 429 આરોપી , એન.ડી.પી.એસ.એક્ટ હેઠળના કેસોમાં 272 આરોપી, એક્સપ્લોજીવ એક્ટના કેસોમા 39, બનાવટી ચલણી નોટોના કેસોમાં 43 તથા ટાડા, પોટા, મકોકા તેમજ યુ.એ.પી.એ. જેવા કેસો અને પેટ્રોલિયમ એક્ટના કેસોના 17 આરોપી મળી કુલ છ હેડમાં 800 આરોપીની યાદી તૈયાર કરવામાં આવી હતી.રેન્જ આઈજી ચિરાગ કોરડીયા અને પોલીસ વડા વિકાસ સુંડા દ્વારા પશ્ચિમ કચ્છ જીલ્લાના ઉપરોક્ત હેડના તમામ આરોપીઓને આગામી 100 કલાકમાં ચેક કરી વેરીફીકેશન કરી તેઓના ડોઝીયર ભરવા સુચના આપવામાં આવી હતી. તા.16 થી 18 નવેમ્બર સુધીમાં જાણીતા તમામ ગુનેગારોને ચેક કરવાની કામગીરી હાથ ધરવામાં આવી હતી.ઝુંબેશ દરમ્યાન પશ્ચિમ કચ્છ જિલ્લામાં અત્યાર સુધી 554 જાણીતા ગુનેગારોને ચેક કરી તે પૈકી 335 આરોપીના ડોઝીયર ભરવાની કામગીરી કરવામાં આવી છે. તેમજ બાકી રહેતા જાણીતા ગુનેગારોને ચેક કરવાની અને ડોઝીયર ભરવાની કામગીરી હાલમાં ચાલુમાં હોવાનું પોલીસ દ્વારા જણાવાયું છે.