Gold Silver Price Crash Today: આજે શુક્રવારન (30 જાન્યુઆરી)ના રોજ સોના અને ચાંદીના બજારમાં જે રીતે કડાકો બોલાયો છે, તેણે દાયકાઓના રેકોર્ડ તોડી નાખ્યા છે. છેલ્લા કેટલાક સમયથી ચાલી રહેલી તેજીના વળતા પાણી થયા છે અને માત્ર 24 કલાકમાં ચાંદીના ભાવમાં આવેલો આ ઘટાડો ઈતિહાસના સૌથી મોટા ઘટાડામાંનો એક છે. MCX (મલ્ટી કોમોડિટી એક્સચેન્જ) પર આજે શુક્રવારે રાત્રે 11:15 કલાકે ચાંદીના ભાવમાં ₹1,07,971 જેટલો મોટો ઘટાડો જોવા મળ્યો છે.
MCX પર હાહાકાર: ચાંદી ₹3 લાખની સપાટીની નીચે
નવો નીચો ભાવ: ચાંદી (5 માર્ચ 2026 વાયદો) ઘટીને ₹2,91,922 પ્રતિ કિલોગ્રામ પર પહોંચી ગઈ છે.