જામનગરના જડેશ્વર પાર્ક વિસ્તારમાં ગઈ રાત્રે પોલીસે જુગાર અંગે દરોડો પાડયો હતો અને જાહેરમાં ગંજીપાના વડે જુગાર રમી રહેલી ૭ પત્તાપ્રેમી મહિલાઓ અને એક પુરુષની અટકાયત કરી લઈ તેઓ પાસેથી રોકડ રકમ અને જુગારની સામગ્રી કબજે કરી છે.
જામનગરમાં જડેશ્વર પાર્ક મેઇન ચોકમાં રામાપીરના મંદિર સામે જાહેરમાં કેટલીક મહિલાઓ એકત્ર થઈને ગંજી પાના વડે જુગાર રમી રહી છે, તેવી ચોક્કસ બાતમીના આધારે સીટી એ. ડિવિઝનના પોલીસ સ્ટાફે મહિલા પોલીસને સાથે રાખીને દરોડો પાડયો હતો. જે દરોડા દરમિયાન 7 જેટલી મહિલાઓ ગોળ કુંડાળું વળીને ગંજી પાના વડે રોન પોલીસ નામનો જુગાર રમતાં મળી આવી હતી.