કેન્દ્રિય ચૂંટણી પંચના આદેશના આધારે સમગ્ર રાજ્યમાં સ્પેશ્યલ ઇનીસીએટીવ રીવીઝન (SIR)ની કામગીરી ચાલી રહી છે જેના ભાગરૂપે અલગ અલગ વિધાનસભા સીટમાં નક્કી કરાયેલા બીએલઓ બુથ લેવલ ઓફિસર) દ્વારા તેમના બુથ વિસ્તારમાં આવતા મતદારોને ચૂંટણી પંચ દ્વારા તૈયાર કરેલ ફોર્મ વિતરણ કરવામાં આવ્યું હતું. મોરબી જિલ્લામાં આવતી ત્રણ વિધાનસભા બેઠક મોરબી માળિયા ટંકારા પડધરી અને વાંકાનેર કુવાડવામાં કુલ 8,50 142 મતદારોનું આ મતદાર યાદી વેરીફીકેશન કરવાનું રહે છે જેના માટે 891 બીએલઓની નિમણુક કરવામાં આવી હતી અને તેના દ્વારા હાલ કામગીરી કરવામાં આવી રહી છે. મોરબીની આ ત્રણેય બેઠકમાં તા 19 નવેમ્બર સાંજે 6 વાગ્યા સુધીમાં 1,47 901 જેટલા મતદારોનું વેરીફીકેશન પૂર્ણ કરી દીધું છે. વેરીફીકેશન દરમિયાન 17 13 મતદાર ના મોત થયા હોવાનું જયારે 929 મતદાર કાયમી ધોરણે અન્ય સ્થળે શિફ્ટ થયા હોવાનું સામે આવ્યું છે. તો 126 મતદારોનું અગાઉ એનરોલ થયા હોવાનું સામે આવ્યું છે જયારે 5 મતદારો અન્ય કારણસર હજુ ફોર્મ કલેક્ત થયા નથી એટલે કે તા 19 નવેમ્બર ના સાંજે 6 વાગ્યા સુધીમાં 2778ના વેરીફીકેશન ફોર્મ ઉપલબ્ધ થયા નથી. ટકાવારી મુજબ જોઈએ તો આત્યાર સુધીમાં જિલ્લામાં 17 ટકા જેટલી કામગીરી પૂર્ણ થઇ છે ચુંટણી પંચના આદેશ મુજબ આ કામગીરી એક મહિનામાં પૂર્ણ કરવાની રહેશે. એક તરફ પાક સર્વેની કામગીરી બીજી તરફ એસ આઈ આર કામગીરી આમ એક સાથે બે કામગીરી બેવડાતા એક મહિનામાં સર્વેની કામગીરી પૂર્ણ થશે કે કેમ તે પણ એક મોટો સવાલ છે. મોરબી જિલ્લાના ત્રણેય વિધાનસભા સીટમાં એસઆઈઆર કામગીરીની સ્થિતિ‎