India-US Trade Deal Factsheet : ભારત અને અમેરિકા વચ્ચે થયેલી ટ્રેડ ડીલને લઈને મોટા સમાચાર સામે આવ્યા છે. ડોનાલ્ડ ટ્રમ્પ દ્વારા ડીલને લઈને જાહેરાત કર્યા બાદ એક્ઝિક્યુટિવ ઓર્ડર પર અમેરિકન રાષ્ટ્રપ્રમુખે સાઈન કરી લીધી છે. જ્યારે આ મામલે જાહેર કરાયેલી ફેક્ટશીટમાં છાનામાના અમેરિકાએ એક દિવસ પહેલા મહત્ત્વપૂર્ણ સુધારા કર્યા છે, જે ભારત માટે ગુડ ન્યૂઝ સાબિત થશે. સૌથી મોટો મુદ્દો એ છે કે, આ ડીલ હેઠળ ભારત દ્વારા 500 અબજ ડોલરના મૂલ્યના યુએસ માલની ખરીદીને પ્રતિબદ્ધતાથી બદલીને ઇરાદા અથવા યોજનામાં ફેરવવામાં આવી છે. મતલબ કે, તે બંધનકર્તા નથી.