વડોદરા,દૂધવાળા મહોલ્લામાં ભાઇના ઘરે રહેતા આરોપીને પોલીસે દારૃની ૧૮૫ બોટલ સાથે ઝડપી પાડયો છે.
વાડી પોલીસને માહિતી મળી હતી કે,દૂધવાળા મહોલ્લામાં ઝકરીયા મસ્જિદની પાછળ રહેતો નઇમ ઉર્ફે ગોટુએ વિદેશી દારૃનો જથ્થો તેના ભાઇ કાદરભાઇ માંકડવાલાના ઘરે સંતાડયો છે. જેથી, પોલીસે ઉપરોક્ત સ્થળે જઇને તપાસ કરતા નઇમ ઉર્ફે ગોટુ અસદભાઇ બીલાવાલા ( મૂળ રહે. ઝેનીથ અમીન સોસાયટી, સુપર બેકરી સામે, આજવારોડ) મળી આવ્યો હતો. પોલીસે તેના ઘરે તપાસ કરતા દરવાજા પાછળ સંતાડેલી બે ટ્રાવેલ બેગ મળી આવી હતી. જેમાંથી પોલીસે દારૃની ૧૮૫ બોટલ કિંમત રૃપિયા ૪૬,૨૫૦ ની કબજે કરી છે.