રેલવે તંત્રએ ખુલાસો કરવો પડયો કે કાયમ નહીં દોડે ! : રાજકોટ-જૂનાગઢના સાંસદો ભલામણો કરીને થાક્યા છે, ત્યારે પોરબંદરના સાંસદના એક જ પ્રયાસથી લાંબા અંતરની ટ્રેન મળી ગયાનું હાસ્યાસ્પદ ઠર્યું
૫ોરબંદર, : પોરબંદર-જોધપુર વચ્ચે એક દિવસ દોડનારી ટ્રેન વિશે આજે પોરબંદર ભાજપે ભાંગરો વાટયો હતો અને ભાજપના પુર્વ પ્રમુખ ‘સાંસદના પ્રયાસોથી પોરબંદરને મળી વધુ એક લાંબા અંતરની ટ્રેનની ભેટ’ તેવું જણાવીને પીઠ થાબડવા માંડયા હતા. પરંતુ રેલવેતંત્રએ સ્પષ્ટતા કરીને જણાવ્યું હતું કે આ ટ્રેન માત્ર એક દિવસ પુરતી દોડશે. જેથી રાજકોટ-જૂનાગઢના સાંસદો ભલામણો કરીને થાક્યા છે, ત્યારે પોરબંદરના સાંસદના એક જ પ્રયાસથી લાંબા અંતરની ટ્રેન મળી ગયાનું હાસ્યાસ્પદ ઠર્યું હતું.