મુંબઈ : અમેરિકા દ્વારા બાંગલાદેશના ચોક્કસ પ્રકારના ગારમેન્ટસ પર શૂન્ય ટેરિફ લાગુ કરવાના નિર્ણયથી ભારતના ટેકસટાઈલ ક્ષેત્ર સામે નવેસરથી પડકારો ઊભા થયા છે. દેશના ટેકસટાઈલ ક્ષેત્ર સામે નિકાસ બજારમાં બાંગલાદેશ એક મોટો હરિફ છે. અમેરિકાએ ભારત પરના ટેરિફ ઘટાડી ૧૮ ટકા કરવાની કરેલી જાહેરાત બાદ ટેકસટાઈલ ક્ષેત્રએ રાહતનો દમ લીધો હતો જે ટૂંકજીવી નિવડયો હોવાનું હાલમાં જણાય છે.
બાંગલાદેશના માલસામાન પરના ટેરિફને ૨૦ ટકા પરથી ઘટાડી ૧૯ ટકા કરાયો છે. પરંતુ અમેરિકાના રૂનો ઉપયોગ કરી ટેકસટાઈલ તથા એપરલ પ્રોડકટસના ઉત્પાદન પર શૂન્ય ટકા ટેરિફની અમેરિકા તથા બાંગલાદેશ વચ્ચે કરાર થયાનું પ્રાપ્ત અહેવાલો જણાવે છે.