સ્ટેટ જીએસટીની જુદી-જુદી ટીમોએ હિસાબોની તપાસ હાથ ધરી
આંબાચોકમાં આવેલા મનીષ પરફ્યુમર્સ રિટેઈલ આઉટલેટ ઉપરાંત મેન્યુફેક્ચરિંગ યુનિટ અને ગોડાઉનમાં સર્ચ હાથ ધરવામાં આવ્યું
ભાવનગર: સુરતમાં પરફ્યુમના ઉત્પાદક અને વેપારીને ત્યાં થોડાં દિવસો પૂર્વે સ્ટેટ જીએસટી વિભાગ દ્વારા તપાસ હાથ ધરવામાં આવી હતી. જે બાદ ભાવનગરમાં પણ આજે સ્ટેટ જીએસટી વિભાગ દ્વારા શહેરની અગ્રણી પરફ્યુમ ઉત્પાદક અને રિટેઈલ વેપારી પેઢીના અલગ-અલગ ત્રણ સ્થળોએ દરોડા પાડવામાં આવ્યા છે. બીલ વિનાના ચીઠ્ઠી પરના વ્યવહારો સંબંધિત તપાસ વિભાગ દ્વારા હાથ ધરવામાં આવતા વેપારી આલમમાં ચર્ચાનો વિષય બન્યો છે.