– યાર્ડમાં ખેડૂતોને ઉંચા ભાવ મળી રહેતા રાહત
– સફેદ કાંદાની આવકમાં આગામી 20 દિવસ બાદ વધારો નોંધાશે,મે માસ સુધી ડુંગળીની આવક થતી રહેશે
ભાવનગર : મહુવા માર્કેટીંગ યાર્ડમાં સફેદની સરખામણીએ લાલ ડુંગળીની આવકમાં અવિરતપણે ઉત્તરોત્તર વધારો થઈ રહ્યો છે. એટલુ જ નહિ ખેડૂતોને ડુંગળીના પોષણક્ષમ ઉંચા ભાવ મળી રહેતા હોય ખેડૂતોએ રાહત અનુભવી હતી. મહુવા યાર્ડમાં છેલ્લા ત્રણ દિવસમાં સફેદની તુલનામાં લાલ ડુંગળીની આવકમાં ૩૭,૧૦૨ ગુણીનો વધારો નોંધાયો હતો.