– બલિદાન બકરીનું અપાય વાઘનું અપાયું હોવાનું સાંભળ્યું નથી : નિરીક્ષક
– યુક્રેન યુદ્ધથી હું ઘણો જ હતાશ છું, પરંતુ તેથી પુતિનની ધરપકડ કરવાની જરૂર નથી : પુતિન સાથે અમેરિકાને ઘણા સારા સંબંધો છે
વૉશિંગ્ટન : વેનેઝુએલાના પ્રમુખ નિકોલસ માદુરોની ધરપકડ કરાવી તેમ રશિયાના પ્રમુખ વ્લાદીમીર પુતિનની ધરપકડ કરાવશો કે કેમ ? તેવા પત્રકારોના પ્રશ્નના ઉત્તરમાં પ્રમુખ ડૉનાલ્ડ ટ્રમ્પે કહ્યું કે તેની જરૂર નથી. જો કે યુક્રેન યુદ્ધથી હું ઘણો જ હતાશ છું.
માદુરોની ધરપકડ થયા પછી પુતિનની પણ ધરપકડ થઇ શકે તેવા યુક્રેનના પ્રમુખ વોલોદીમીર ઝેલેન્સ્કીનાં નિવેદન સંદર્ભે પૂછાયેલા એક પ્રશ્નના ઉત્તરમાં પ્રમુખ ડૉનાલ્ડ ટ્રમ્પે આ પ્રમાણે કહ્યું હતું.