Female BLO Commits Suicide In West Bengal: દેશમાં ચાલી રહેલી મતદાર યાદી સુધારણા અને ચકાસણી (SIR)ની કામગીરી હવે જીવલેણ સાબિત થઈ રહી છે. કોડીનારમાં શિક્ષકની આત્મહત્યા અને વડોદરામાં ચૂંટણીલક્ષી કામગીરી દરમિયાન એક સહાયક BLO મહિલાનું ફરજ પર કરૂણ મોતની ઘટના હજું તો તાજી જ છે ત્યાં હવે વધુ એક BLOએ સ્યુસાઈડ નોટ લખી આત્મહત્યા કરી લીધી છે. પશ્ચિમ બંગાળના નાદિયા જિલ્લામાં એક બૂથ લેવલ ઓફિસર (BLO)એ આત્મહત્યા કરી લીધી છે. મૃતકની ઓળખ રિંકુ તરફદાર તરીકે થઈ છે, જે કૃષ્ણનગરના શાસ્તીતલા વિસ્તારની રહેવાસી હતી. તેઓ છાપરા પોલીસ સ્ટેશન વિસ્તારના બંગાલઝી વિસ્તારમાં બૂથ નંબર 202 પર BLO તરીકે તહેનાત હતા.