ન્યૂયોર્ક,૧૩ જાન્યુઆરી,૨૦૨૬,મંગળવાર
અમેરિકી રાષ્ટ્રપતિ ડોનાલ્ડ ટ્રમ્પની કડક ટેરિફનીતિના પગલે ભારતના અમેરિકા સાથેના વેપાર પર ખૂબ વિપરિત અસર થઇ છે. જેમાં કેટલાક સેકટરો પર સૌથી વધુ અસર થવાથી ભારત અને અમેરિકા વચ્ચેની ટ્રેડ ડીલ થાય તે જરુરી બની ગઇ છે. ભારત અને અમેરિકા વચ્ચે લાંબા સમય સુધી વેપારિક સંબંધો રહયા છે પરંતુ અમેરિકાના રેસિપ્રોકલ ટેરિફ અને સખત ટ્રેડ પોલિસીના લીધે સંબંધો તણાવપૂર્ણ બની ગયા છે. એપ્રિલ ૨૦૨૫માં અમેરિકાએ ભારતીય ઉત્પાદનો પર ટેરિફ ૧૦ ટકાથી વધીને ૨૫ ટકા અને ત્યાર બાદ ઓગસ્ટ મહિનામાં ૫૦ ટકા કરી નાખ્યું હતું. આ ટેરિફ માટે રશિયા પાસેથી ક્રુડ તેલ ખરીદવું અને વેપાર અસંતૂલનનું કારણ આપવામાં આવ્યું હતું.