Vadodara : વડોદરા શહેરના માંજલપુર પોલીસ મથક વિસ્તારમાં આવેલી જીઆઈડીસી કોલોનીમાં અસામાજિક તત્વોએ ફરીવાર અરાજકતાનો માહોલ ફેલાવવા પ્રયાસ કર્યો હતો. આ વિસ્તારમાં કેટલાક અજાણ્યા લોકોએ એક ઘરની બહાર પાર્ક કરેલી ઇલેક્ટ્રિક મોપેડની તોડફોડ કરી હતી. જોકે ત્યા લગાવેલા સીસીટીવી કેમેરામાં તોડફોડ કરતા કેદ થઈ ગયા હતાં. આ મામલે વાહન માલિકે માંજલપુર પોલીસ મથકમાં ફરિયાદ આપી હતી. જેના આધારે પોલીસે આરોપીને CCTV કેમેરાની ફુટેજના આધારે તેને ઝડપી ઉઠક બેઠક કરાવી કાયદાના પાઠ ભણાવ્યા હતા.