Vadodara : વડોદરા ઇન્ટરનેશનલ મેરેથોનની 13મી આવૃત્તિ આગામી તા.1 ફેબ્રુઆરી 2026ના રોજ યોજાનારી છે. જાહેર આરોગ્ય પ્રત્યેની પોતાની પ્રતિબદ્ધતાને વધુ અર્થપૂર્ણ અને અસરકારક બનાવવા મેરેથોનના આયોજનના ભાગરૂપે પૂર્વ તૈયારી હેઠળ સ્વયંસેવકોને કાર્ડિયો પલ્મોનરી રિસસિટેશન (CPR)ની તાલીમ આપવામાં આવી હતી.
મેરેથોનના ગ્રાઉન્ડ લેવલ પર કામગીરી કરતા કુલ 55 સ્વયંસેવકો (ફ્રન્ટ રનર્સ)ને કમ્પ્રેશન ઓનલી લાઇફ સપોર્ટ (COLS) CPRની વિશેષ તાલીમ અપાઈ હતી. આ તાલીમ વડોદરા સ્થિત GMERS મેડિકલ કોલેજ અને હોસ્પિટલ, ગોત્રીના એનેસ્થેસિયા વિભાગ દ્વારા આયોજિત કરવામાં આવી હતી.