અમદાવાદ : વેલેન્ટાઇન ડે પહેલા ઇ-કોમર્સ અને ગિફ્ટિંગ પ્લેટફોર્મ પર વેચાણમાં એક વર્ષ પહેલાના સમાન સમયગાળાની તુલનામાં ૬૦ ટકાનો નોંધપાત્ર વધારો થયો છે. આ વર્ષે, ગ્રાહકો ફૂલો, ચોકલેટ, વ્યક્તિગત ચીજ વસ્તુઓ અને ગિફ્ટ આર્ટિકલ પર ભારે ખર્ચ કરી રહ્યા છે.
ઉદ્યોગના સુત્રોએ જણાવ્યું હતું કે આ વૃદ્ધિ ડિજિટલ પ્લેટફોર્મની સુવિધા, ટાયર-૨ અને ટાયર-૩ શહેરોમાં ઝડપી ડિલિવરીની સુવિધા, પ્રીમિયમ ઉત્પાદનોની માંગ અને આક્રમક પ્રમોશન દ્વારા પ્રેરિત છે.
ઇ-કોમર્સ પ્લેટફોર્મના સુત્રોએ જણાવ્યું હતું કે, આ સિઝનમાં, વેલેન્ટાઇન ડે સંબંધિત શ્રેણીઓમાં એક વર્ષ પહેલાના સમાન સમયગાળાની તુલનામાં ૫૮%નો વધારો જોવા મળ્યો છે.