તાલાલાના રસુલપરામાં કુદરતી હાજતે ગયેલા શ્રમિકને કાળનો ભેટો
શ્રમિકને ગળાંના ભાગેથી પકડી શેરડીની વાડમાં 50 મીટર અંદર ઢસડી જઇ મોઢાનો ભાગ ખાઇ ગયો : દીપડો પાંજરે પૂરાયો
તાલાલા ગીર: તાલાલા તાલુકાનાં રસુલપરા ગીર ગામે પેટીયું રળવા આવેલ પરપ્રાંતિય શ્રમજીવી ઉપર દીપડાએ હુમલો કરી ફાડી ખાતા મોત નીપજ્યું હતું. આ બનાવના પગલે સીમ વિસ્તારમાં કામ કરતા શ્રમજીવીઓ તથા ગ્રામજનોમાં ફફડાટ ફેલાયો છે. શ્રમિક સવારે કુદરતી હાજતે જતા શેરીડીની વાડમાં છુપાયેલો દીપડો તેના પર ત્રાટક્યો હતો.