Silver Market Crash: આજે ભારતીય કોમોડિટી માર્કેટ (MCX)માં રોકાણકારો માટે ભારે ઉત્તેજના અને ફફડાટનો માહોલ જોવા મળ્યો છે. એક તરફ સોનાના ભાવ આસમાને પહોંચી રહ્યા છે, તો બીજી તરફ ચાંદીમાં અણધાર્યો અને મોટો કડાકો બોલાતા બજારમાં ઉથલ-પાથલ જેવી સ્થિતિ સર્જાઈ છે.
રોકાણકારોના જીવ અધ્ધર
ચાંદીમાં સતત તેજીના ચમકારા વચ્ચે આજે અચાનક જ વાયદામાં બજારમાં ચાંદીની કિંમતમાં ઘટાડો જોવા મળ્યો છે, એક જ ઝાટકે ચાંદીમાં 20 હજારનો તોતિંગ ઘટાડો થતાં રોકાણકારોને ફાળ પડી છે. એકાએક આવેલા આ કડાકાને કારણે વેચાણનું પ્રેશર વધ્યું છે, જેનાથી નાના રોકાણકારોમાં ગભરાટ ફેલાયો છે.