સાયબર ફ્રોડના કિસ્સામાં રાજ્યમાં પ્રથમ ચુકાદો : આરોપી મહિલા હરિયાણાથી પકડાઈ હતી : સાયબર ફ્રોડ વધી રહ્યા છે ત્યારે અમરેલીની ચીફ જ્યુડિશિયલ કોર્ટ દ્વારા કડક કાર્યવાહી
અમરેલી, : અમરેલીના સાવરકુંડલા ગામે રહેતા યુવક સાથે ફોનમાં મેસેજ કરી તેને વિશ્વાસમાં લઇ મોટી રકમની ગીફ્ટની લાલચ આપી જેને છોડાવવા માટે ચાર્જના નામે 14.09 લાખનો ફ્રોડ કરનારી નાઇઝિરીયન મહિલા આરોપીને અમરેલી કોર્ટે સાત વર્ષની સજા તથા 10,000નો દંડ ફટકારી સાયબર ફ્રોડ કેસમાં સમગ્ર ગુજરાત રાજ્યમાં પ્રથમ ચુકાદો આપ્યો છે.
આ સમગ્ર પ્રકરણમાં સાવરકુંડલા ગામે રહેતા પિયુષભાઇ ઠુમ્મર સાથે અજાણ્યા મોબાઇલ ધારક મહિલાએ ફોનમાં અવાર-નવાર મેસેજમાં વાતો કરી વિશ્વાસમાં લઇ લીધા બાદ મોટી રકમની ગીફ્ટ આપવાની લાલચ આપી તે દિલ્હી એરપોર્ટ પર આવી ગઇ છે અને તેને છોડાવવા માટે ચાર્જ ભરવો પડશે તેમ જણાવી રૂા.૧૪,૦૯,૦૦૦ મેળવી લીધા હતા.