Surat Corporation : સુરત પાલિકાની મુખ્ય કચેરીમાં લાંબા વર્ષોથી કોઈ પણ જાતના કરાર વિના ગેરકાયદે કબ્જો કરનારા પાલિકાના યુનિયનોને રાજ્ય સરકારમાંથી ડેપ્યુટેશન પર આવેલા મહિલા ડેપ્યુટી કમિશનરે પાઠ ભણાવ્યા હતા. મ્યુનિ.ના કરાર વિના ચાલતી ઓફિસ ખાલી કરાવી અન્ય કચેરી ચાલુ કરાવી દીધી હતી. આ ઉપરાંત સેન્ટ્રલ ઝોનની અન્ય મિલકત પરનો કબજો પણ ખાલી કરાવી દીધો હતો. હવે મરણિયા બનેલા યુનિયનોએ આજે એક દિવસના પ્રતિક ધરણા કરી ઓફિસનો કબજો પરત માંગવા તથા ડેપ્યુટી કમિશ્નરને ડેપ્યુટેશન પરથી પરત લેવાની માંગણી કરવામાં આવી હતી.