સર્કલને બદલે ગાંધીનગરથી બદલી થતાં મોટું ઘમસાણ : પતિ-પત્નીના કેસમાં બંનેને સાથે રાખવાને બદલે 60 ફોરેસ્ટરોની 100થી 400 KM દૂર બદલી: સુધારા ઓર્ડર કરવા જેવી નોબત
જૂનાગઢ, : વન વિભાગ દ્વારા 430 કેટલા ફોરેસ્ટરોની બદલી કરવામાં આવી તેમાં મોટો વિવાદ સર્જાયો છે. પતિ-પત્નીને એક જ જિલ્લામાં કે બને ત્યાં સુધી સાથે જ રાખવાનો સરકારનો પરિપત્ર હોવા છતા તેનું ઉલ્લંઘન કરીને 60થી વધુ ફોરેસ્ટરોને પતિ-પત્નીના કિસ્સાને ધ્યાને લીધા વગર દૂર દૂર સુધી બદલી કરી નાખવામાં આવી છે. આ ઉપરાંત વર્ષો સુધી ગીરમાં ફરજ બજાવનાર વનકર્મીઓને સામાજિક વનીકરણમાં દૂર દૂર સુધી અને વર્ષોથી સામાજિક વનીકરણમા ફરજ બજાવતા કર્મીઓને ગીરમાં મુકી દેવાયા છે.
થોડા દિવસ પહેલા વન વિભાગના 430 બીટગાર્ડને ફોરેસ્ટર તરીકે પ્રમોશન આપવામાં આવ્યું હતું.